"Аекологцәа иазгәарҭон 40 нызықь тонн рҟынӡа акамшьиа Аԥсны амшынтә ҳәаақәа рҿы имҩасраны иҟоуп ҳәа, урҭ рахьынтә 35 тонн акра азин ыҟоуп. Иахьазы азауадқәа рырбагақәа рыла икуп 27 нызықь тонна инацны, уи ашыла аԥсыӡ алхра иаҿуп, насгьы ашша аҳәаанырцә агара иалагеит. Афирма "Хамса" 400 тонн инацны идәықәнаҵахьеит, аха уи анаҷыданы азауадқәа рхаҭа аквота роурцаз аԥара ршәароуп. Акамшьиа акразы иҟоу аилагарақәа азгәаҭаны асоциалтә ҳақәа рҿы ауаа агәынамӡара аадырԥшуеит, аха ҳара азауадқәа аус дҳаруеит иҟоу аԥҟарақәа рыла. Уимоу, аилагарақәа рзы еиҿкаауп аштаб, уи напхгара азыруеит аекологцәа. Урыстәылатәи аҳәаахьчаҩцәеи ҳареи иҳамоуп аимадара, иҷыдоу џьара гхақәак ҟалар, иаразнак ала адырра ҳауеит. Зегьы еиқәышәшәаны иҟоуп ҳзымҳәаргьы, ҵыԥхи сынтәеи раасҭа аԥҟарақәа инарықәыршәаны аԥсыӡкра аус цоит", - ҳәа азгәеиҭеит Какалиа.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Иара убас шәаԥхьар ҟалоит:
- Какалиа еиҭеиҳәеит акамшьиа ахьчаразы Урыстәылеи Аԥсныи еицырзеиԥшу аԥҟарақәа
-
Ҷыҭанаа: акамшьиа акра иаҳа иазыҟаҵоу аҭырқәа ӷбақәа роуп
