Жәабран 7 рзы имҩаԥысит "Аԥсны Аҳәынҭқарра аҭагылазаашьеи аҿиара аԥеиԥши" захьӡыз аԥсуа милаҭтә конференциа. Уи иалахәын аҵарауаа, егьырҭ ауаажәларра рхаҭарнакцәа.
"Иҟоу аҳәынҭқарратә система ҳахәаҽуеит, амилаҭтә зҵаарақәа рыӡбара ҳаламгар. Уи ауп ари аконференциа зеиҿкаахазгьы. Иара еснагь аус аулоит ҳәа иҟаҳҵеит, сгәы иаанагоит ҩымз-хымз рыҩнуҵҟа аҳәынҭқарра иарбан махәҭақәазаалакгьы, аекономика, аполитика, аконституциа уҳәа ирыдҳәалоу апроблемақәа рыӡбара ацхрааразы еиҭах аконференциа еизганы, ҳаизаны, ишԥаҟаҳҵои ҳәа аӡбара ҳалагоит. Ҳалагоит еиуеиԥшым ахырхарҭақәа рыла агәыԥкәа раԥҵара. Аҳәынҭқарра анапхгара рыдагьы, аҵарауаа, иара ус ауаажәларра рхаҭарнакцәагьы згәы былуа алархәны, ахақәиҭра ззаҳҭахыз Аԥсны аҳәынҭқарра ашьақәыргылара ишахәҭоу ала аҟаҵара ҳалагароуп. Азҵаарақәа арҭ ашықәсқәа ирылагӡаны рҽеиҭарымкӡеит, аха рызнеишьақәа даҽакхоит. Иарбанқәоу урҭ? Аӡбара ҳалагоит, уи шыӡбатәу ала аҳәынҭқарра ахадацәа рнапы ианаҳҵоит, даргьы убри амҩа иқәланы аҳәынҭқарра ԥхьаҟа иргарацы. Аҟаҵашьа аҳәынҭқарра анапы иануп, аха иҟаҵатәу иазхәыцша аспециалистцәа роуп. Ҳаргьы ҳажәалагалақәа дҳардырыр ҳҭахуп иахьынӡауа", - ҳәа еиҭеиҳәеит Гәымба.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Иара убас шәаԥхьар ҟалоит:
-
Аҳәатәи аҳәашьеи: имҩаԥысит Аԥсуа милаҭтә конференциа
