Аԥсны АССР зҽаԥсазтәыз артист, адраматә театр актиор Амиран Ҭаниа иахьа иԥсы ҭазҭгьы ихыҵуазаарын 85 шықәса.
"Амиран изы атеатр уахәамаҵас изыҟан, ус акәын дшахәаԥшуаз. Ашкол даналага нахыс атеатр убас дазыҟан. Раԥхьаӡа иаргьы саргьы Қарҭ ҳаиқәшәеит. Аинститут ҳаицҭаларц акәын, аха уи ашықәсан аҷкәынцәа маҷны ирыдыркылон аҟнытә Шьалуа Гыцба дақәшәеит, иара дзақәымшәеит. Анаҩс егьи ашықәсан зегь акоуп Амиран даҳхьырыгӡеит. Атеатр аҟыҟ-ҿыҟра ацуп еснагь, иаргьы саргьы 60 шықәса инацны аус еицаҳуан, аха жәак еимаҳамкыцызт. Амирани сареи ҳаизааигәазтәыз атеатр ауп, Амиран атеатр аҟнытә данцози сара санцози еиқәшәеит, абри еиҳагьы ҳаизааигәанатәит иареи сареи. Анаҩс, Виктор Џьениа "Абаза" анеиҿикаа, уа аҽазыҟарҵаратә ҭыԥ ҳаиҭеит. Иара инаигӡоз ароль иара изы ирыҩызшәа ихыртны иҟаиҵон. Нелли Ешԥҳа аинститут аҿы акурсттә спектакль иқәлыргылар акәын Гәлиа иҩымҭа "Анаурқәа" ала, Амиран Гәдым ироль илҭеит. Даара иуадаҩуп уара уқәра маҷны зықәра ыҟоу ироль ахәмарра. Аҭаацәа реиҳабы ихаҿсахьа иаҵаз аҵаулара зегьы аарԥшра илиршеит Амиран", - лгәалалыршәеит Агәмаа.
Аԥсны АССР зҽаԥсазтәыз артист, адраматә театр актиор Амиран Ҭаниа ирҿиаратә мҩаҿы инаигӡеит хкы рацәала арольқәа. Актиор иаҳасабала ахәаԥшцәа дырдыруеит "Белый башлык", "Сувенир", "Зимний вечер в Гаграх" афильмқәа рыҟны инаигӡаз арольқәа рыла.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Иара убас шәаԥхьар ҟалоит:
- Агәмаа: Амиран Ҭаниа иҟамзаара атеатртә ԥсҭазаара ианыԥшуеит
-
Гыцба арежиссиор Михаил Мархолиа изы: ауаҩра илан, уқәҿиарақәа дреигәырӷьон
