15:31 10 Мшаԥы 2020
Ишиашоу ицо аефир
  • USD73.75
  • EUR80.74

Чачхалиа Быҭха-ныха иазкны: аҭҵаарадырраҟны нҵамҭак ыҟаӡам

Арадио
Икьаҿу ахьарԥш аиура
57 0 0

Быҭха амаҵ азуразы аныхаԥааҩ Руслан Берзеқь амчра иҭан Елырныха. Ари ахҭыс азы ашәҟәыҩҩы, аҭоурыхҭҵааҩ Денис Чачхалиа игәаанагара иҳәеит арадио Sputnik аефир аҟны.

Аԥсны иахылаԥшуа быжь-ныхак ыҟоуп ҳәа иԥхьаӡоуп. Фба – Аԥсны иахьаҵанакуа, абыжьбатәи – Быҭха, Шәача иахьаҵанакуа. 1864 шықәса аахижьҭеи, аубых жәлар уи адгьыл иахыҵны ианца,уаҟа амаҵ азызуа дамамызт. Иаҳхысыз амчыбжь азы Руслан Берзеқь Елырныха амчра иҭан, шьҭарнахыс иара Быҭха ныхаԥааҩс дыҟоуп. Ахҭыс иахылҿиааз игәаанагара асоциалтә ҳаҿы иаирбеит ашәҟәыҩҩы, аҭоурыхҭҵааҩ Денис Чачхалиа. Арадио Sputnik аефир ала иаҳа инарҭбааны далацәажәеит.

Ашәҟәыҩҩ игәаанагарала, ас еиԥш ахҭыс аҵарауаа еидтәаланы ахшыҩеилаԥса ҟаҵаны иалацәажәар бзиан.

 

Чачхалиа: Быҭханыха иазкны аҭҵаарадырраҟны нҵамҭак ыҟаӡам

"Быҭха ахаҭа ҩыџьара иҟан. Акы - Шәача агәаны унеиаанӡа Пицунда еиԥш амшын ахь илгоу адгьыл ахахьы ашьха акәын, егьи Быҭхаи иареи 30 километра иреиҵамкәа ибжьоуп. Арахь асаӡқәа нхон, егьырахь - аубыхқәа. Аҩбагьы жәлак аҟынтәи иаауеит ҳәа ауп сшахәаԥшуа - Быҭәаа рҟынтәи. Ашаԥсыӷцәа, иҟалап аубыхцәагьы ажәла анҵәамҭаҟны "хәа" дыргылон. Чаабалырхәа, Ҳаҭхәа ҳәа ҳара ишҳамоу еиԥш Быҭхәа ҳәа иҟан. Аҩбатәи Быҭха Дагомыс иатәуп. Ҭҵаарадыррала анҵамҭа ыҟаӡам Быҭха аныха ахьыҟаз, аҩыраҟны иарбаӡам", - ҳәа азгәеиҭеит Чачхалиа.

Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

Ихадоу атемақәа