Микрофон  - Sputnik Аҧсны
Арадио

Саӷариа Рафаель Гагәылиа изы: ҳгәыԥ аҟны ицәырҵра ҳарԥшӡон

© SputnikНодар Сагария
Нодар Сагария - Sputnik Аҧсны
Анапаҵаҩра
Аԥсны зҽаҧсазтəыз артист Нодар Саӷариа арадио Sputnik аефир аҟны дигәалаиршәеит авокалтә-инструменталтә гәыԥ "Аԥсны – 67" ахкҳәаҩы Рафаель Гагәылиа.
Еицырдыруа ахьыӡқәа: Саӷариа Рафаель Гагәылиа изкны

65 шықәса дшырҭагылаз иԥсҭазаара далҵит Аԥсны зҽаԥсазтәыз артист, "Ахьӡ-Аԥша" аорден III аҩаӡара занашьоу, авокалтә-инструменталтә гәыԥ "Аԥсны – 67" асолист Рафаель Гагәылиа.

Рафаель Михаил-иԥа Аԥсны амузыкатә ҟазара аҿиаразы алагала ду ҟазҵаз дреиуоуп. Аҟыбаҩ ҷыда злаз, уи иԥсҭазаара зегьы амузыка иадҳәалан, Аԥсны еицырдыруаз агәыԥ "Аԥсны – 67" асолистцәа дреиуан. Рафаель Михаил-иԥа илшара дуқәа азгәаҭо ианашьан аҳәынҭқарратә ахьӡ ҳаракы – Аԥсны зҽаԥсазтәыз артист, "Ахьӡ-Аԥша" аорден III аҩаӡара.

"Ҳәара аҭахума, ҳгәыԥ азы даара цәыӡ дууп. Аҵыхәтәантәи ҩба-хԥа шықәса рыбжьара аҟазара знапы алакыз адунеи рыԥсахит. Агәыԥ анцәырҵо дыҟоуп асахьаркыратә напхгаҩы, аԥхьагылара змоу асолист. Иара ицәырҵра ҳара ҳарԥшӡон, иԥшра-исахьа, иашәаҳәашьа. Аиҩызара, ауаҩра аганахьала Рафик дхаҵа бзиан, дҩыза гәакьан, дҩыза иашан. Цәажәарада ҳаилибакаауан, 40 шықәса маҷӡам, иаҳзеибамҳәоз акгьы ыҟаӡамызт",- иҳәеит Саӷариа.

Аԥсны зҽаԥсазтәыз артист, авокалтә-инструменталтә гәыԥ "Аԥсны – 67" асолист Рафаель Гагәылиа иахьа аҵыхәтәантәи имҩахь днаскьаргоит Аҟәа, Арҵаҩы иҩны аҟны.

Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

 

Ажәабжьқәа зегьы
0