Аекономист, Аԥснытәи аҳәынҭқарратә университет амилаҭтә економика акафедра арҵаҩы еиҳабы Линда Амԥарԥҳа арадио Sputnik аефир аҟны илҳәеит афинанстә пирамида иадҳәалоу ахәмарра ашәарҭара ацым ҳәа азгәаҭара шиашам.
"Ас еиԥш аԥара аиура легалтәуп, изакәантәуп мамзаргьы хәмарроуп, финанстә пирамидаӡам, мчыла аӡәгьы акгьы идигалом ҳәа зыԥҳьаӡо ирасҳәар сҭахуп ацәгьара рҭахымзар, рҩызцәа, рҭынхацәа ас еиԥш ахәмарра рыдрымгаларц. Ари иаиааиуа маҷуп, иаҵахо рацәоуп, насгьы урҭ рԥарақәа аӡәгьы ирхынҳәӡом", - лҳәеит Амԥарԥҳа.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.
Гал араион Аберқыҭ инхо Нино Хецуриани, Москвантәи Аԥсныҟа хәажәкыра 29 рзы иааз, акоронавирус лымоуп ҳәа Жәыргьыҭ ахәышәтәырҭахь днаган.
Асааҭ 20:00 инаркны азинхьчаратә усбарҭақәеи Гал араион ахадара аусзуҩцәеи ақалақь иалсуа арупор ала ауаа рахь ааԥхьара ҟарҵоит акоменданттә сааҭ азы рыҩнқәа ирдәылымҵларц.
Аҟәатәи аӡыканал анџьныр хада Мераб Анқәаб адырра ҟаиҵеит мшаԥымза 2 рзы аӡымҩангагаҿы авариа шыҟалаз.
