20:04 20 Цәыббра 2020
Ишиашоу ицо аефир
  • USD75.03
  • EUR88.96

Џьопуа: жәытәгьы-ҿатәгьы аԥҳәыс лроль аԥхьа игылан, иахьагьы ус иҟазароуп

Арадио
Икьаҿу ахьарԥш аиура
23 0 0

Гәылрыԥшь араион аҿы иҟоу абыргцәа рхеилак ахантәаҩы Уанка Џьопуа арадио Sputnik Аԥсны аефир аҿы дазааҭгылеит аԥсуаа аԥҳәыс лахь иаадырԥшуаз акультура ҳаракы атәы. Абырг иҳәеит аԥҳәыс ишакәым лыхцәажәареи, лганахь анапы ашьҭыхреи ҟалашьа змам акакәны ишыҟоу.

Џьопуа: жәытәгьы-ҿатәгьы аԥҳәыс лроль аԥхьа игылан, иахьагьы ус иҟазароуп

"Аԥсуа икультураҿы аԥҳәыс аԥсҭазаара дахыҵхырҭаны акәын дышлыхәаԥшуаз. Исгәалашәоит, хаҵеи ԥҳәыси ҽыжәланы ианныҟәоз, ҳаҭыр еиқәҵаны, пату еиқәҵаны, аԥҳәыс ахаҵа ишьамхы дықәыргыланы дҽыжәихуан, дҽыжәиҵон. Уск рыӡбозаргьы дадыргалон аԥҳәыс, сҭаршинасгьы дҟарҵон. Аҩны ахәышҭаарамца аԥҳәыс дыҩнамкәа изыԥхом, акгьы азыҟаҵом. Академик Марр Кавказтәи абызшәеи акультуреи маӡас иаҵоу, цыԥхас иамоу, аԥсуаа ркультуроуп, урҭ рбызшәоуп ҳәа ииҳәоз, иахьа уи агәра угартә иҟам. Еимак дуӡӡак ыҟазар аԥҳәыс лкасыш аалхыхны ианбжьадыршә, урҭ рус ӡбан. Шьушьанка Хьациаԥҳа даҳгәалаҳаршәозар, марттәи ажәылараан ҳаҷкәынцәа 220-ҩык анышә иамаданы ианрымаз даақәгылан илҳәаз лажәа. Аԥҳәыс лроль жәытәгьы-ҿатәгьы аԥхьа игылан, иахьагьы ус иҟазароуп", - азгәеиҭеит Џьопуа.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.

Иара убас шәаԥхьар ҟалоит:

Ихадоу атемақәа