Микрофон  - Sputnik Аҧсны
Арадио

Арҷелиаԥҳа акоронавирус азы: ҳаҿагылартә еиԥш ҳаҟазҭгьы, Аԥсуарагьы ишахәҭоу иныҟәаҳгон

© SputnikАнжела Арчелия
Анжела Арчелия - Sputnik Аҧсны
Анапаҵаҩра
Аԥсны атерапевт хада Анжела Арҷелиаԥҳа арадио Sputnik Аԥсны аефир аҿы илҳәеит аԥкрақәа аԥсуаа рҵасқәа ирҿагылозаргьы, рынагӡара хымԥада ишаҭаху.
Арҷелиаԥҳа акоронавирус азы: ҳаҿагылартә еиԥш ҳаҟазҭгьы, Аԥсуара ҳахыԥомызт

"Аԥсра уи ауаҩы дызхымԥо акоуп, ауаҩы дымнеир ҟалаӡом, аха ишахәҭоу, метрак метрак рыбжьаҵаны ауаа рацәа еидгыланы ҳәа акәымкәа, еибагәыдкыло акәымкәа рхы мҩаԥыргароуп. Ари ачымазара ауаа рыԥсҭазаара ашәарҭара иҭанаргылоит. Уи ҳазхәо ак акәызҭгьы, хәшәык амазҭгьы, акгьы хьаас имкыкәа аԥсуарагьы ишахәҭоу иныҟәаҳгон. Аха иахьатәи аамҭа цәгьоуп аҟнытә, ҳхы ҳахьчароуп, ҳазлагылоу ауаажәларра ҳахьчароуп. Ҳара ҳачмазаҩхар, уи аҩнаҭахьы иаагоит, ҳара акы ҳамгаргьы ҳанацәа, ҳабацәа ирызхымгар ҟалоит, убри аҟнытә аԥкрақәа ирызхәыцтәуп, уи ԥхашьарак аҵам, избанзар, имшәо агаӡа иоуп", - ҳәа азгәалҭеит Арҷелиаԥҳа.

Аҳақьым иазгәалҭеит Аԥсны аҩнуҵҟа аусдкылаҩцәеи ҳтәыла анҭыҵынтә ҳџьынџьуааи иҟарҵо ацхыраагӡа ргәы зырӷәӷәо акәны ишыҟоу.

"Гәыӷырҭас иҳамоу цхыраагӡа ҳасабала иаҳзаарго амаругақәеи, ашәҵатәқәеи, ахәшәқәеи роуп. Мап анакәха, ҳара ҳалшарақәа даара имаҷуп. Ҳара ҳакәым, зекономика ӷәӷәоу атәылақәа ичмазаҩхаз зегьы рыхәшәтәыртә еиԥш алшара рымам", - ҳәа еиҭалҳәеит Арҷелиаԥҳа.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.

 

Ажәабжьқәа зегьы
0