"Азҵаара иалацәажәеит Жәлар реизараҟны, ишдыру еиԥш, ус еиԥш афонд аԥҵаҩцәас иҟан адепутатцәа, аха анаҩс иуадаҩхеит аусқәа зегьы рынагӡара. Арепатриациазы аминистрра ахьӡ аиуеит убасгьы адемографиазы аминистрра ҳәа, уи азҵаарақәагьы анапы ианҵан. Ҳара иазҳархиеит апрограмма "Адемографиа аҿиара 2020", ҳазҭоу ашықәс абиуџьет аҟны иарбан 50 миллион мааҭ аԥсуа ҭаацәарақәа рзы. Абраҟа аилкаара ыҟазарц сҭахуп ари аҳәынҭқарра ашьагәыҭҭә милаҭ, аетнос аиқәырхаразы ауп, даҽакала гәаанагарак ҟамлароуп. Ари аԥсуаа ҳмаҷра иахҟьаны иҟалаз зҵаароуп, даҿакала издызкылогьы ҟалар ауеит, аха ираҳәатәуп амилаҭқәа иахьа Аԥсны иҳаланхо: аҿиара аганахьала уадаҩра змоу аԥсуаа ҳауп. Ахԥатәи ахәыҷы инаиркны аԥсуа ҭаацәарақәа рҟны ииуа 100-100 нызқь мааҭ раҳҭалоит афонд аҟынтәи. Адокументқәа зегьы еиқәыршәаны 40 ҭаацәара рҟынӡа аԥара рзахыԥхьаӡалан, ари раԥхьатәи шьаҿоуп, агәра ганы сыҟоуп ари аус ишацҵахо", - иҳәеит Дбар.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.
Иара убас шәаԥхьар ҟалоит:
- Ахԥатәи изы шә-нызқь мааҭ: адемографиа аминистрра аԥсуа ҭаацәарақәа ԥарала ирыдгылоит
