"Сҩызцәеи сареи иҳамоуп проектқәак, Тҟәарчал араион аҿы инаҳагӡарц иаҳҭаху. Араион шьҭыхтәуп, ауаа ауалафахәы роуа, иалҵны ицаз еиҭахынҳәуа аҟаҵара ҳазҿлымҳауп. Ҳәарада, уи иаразнак ӡбашьа амам. Аха шықәсык ашьҭахь уаҩы инырыртә еиԥш иҟалап ҳәа сгәы иаанагоит. Иахьа ҳшынхоз аиҳа уаҵәы ҳаиӷьхароуп. Иҟазароуп аҳәынҭқарратә программа, уи ажәлар идырдыртәуп, уаҵәтәи рыԥсҭазаашьа атәы еилкааны ирымазарц. Ачынуаҩ, дмаҷума, ддума, иара дзықәгәыӷуа ауаа, игәы иҭоу ицеиҩызшо, уи анагӡаразы ицхраауа ицзароуп. Аԥсахрақәа, аиҭакрақәа ҟалоит араион аҿы, аха еилых ҟамҵакәа. Араион аҿы еиҳарак атуризм хшыҩзышьҭра аҭатәны исыԥхьаӡоит. Уаанӡа Тҟәарчал ааглыхратә қалақь ҳәа иашьҭан, уи ахьӡ адагьы еиҭа уи туристтә қалақьны иҟаларц сгәы азыҳәоит", - ҳәа еиҭеиҳәеит Дочиа.
Иаҳа инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Иара убас шәаԥхьар ҟалоит:
-
Исидор Дочиа Тҟәарчал араион ахада инапынҵақәа наигӡалоит
