01:00 03 Ԥхынгәы 2020
Ишиашоу ицо аефир
  • USD70.52
  • EUR79.52

Габелиа адипломтә усумҭақәа онлаин рыхьчаразы: раԥхьатәи ԥышәан, аха ишахәҭаз имҩасит

Арадио
Икьаҿу ахьарԥш аиура
Ачымазара ҿкы – акоронавирус Аԥсни адунеи аҿи: иалкаау (530)
37 0 0

Аԥснытәи Аҳәынҭқарратә университет аҭоурыхтә факультет адекан Алик Габелиа арадио Sputnik аефир аҟны еиҭеиҳәеит апандемиа аамҭазы иреиҳаӡоу аҵараиурҭа аҟны амагистрантцәа роушьҭратә квалификациатә усумҭақәа рыхьчара шеиҿкааз атәы.

Габелиа адипломтә усумҭақәа онлаин рыхьчаразы: раԥхьатәи ԥышәан, аха ишахәҭаз имҩасит

Аԥснытәи Аҳәынҭқарратә университет аҟны ачымазара ҿкы (акоронавирус) алаҵәара ашәарҭара иахҟьаны аҵара зынӡа иаанкылан лаҵара 15 инаркны Аԥсны ахада Аслан Бжьаниа иқәҵарала. Лаҵара 25 рзы онлаин арежим ала раԥхьаӡа акәны аҭоурыхтә факультет аҟны амагистрантцәа роушьҭратә квалификациатә усумҭақәа рыхьчара мҩаԥысит.

"Ишыжәдыруа еиԥш, ари иҟоу ачымазара ҿкы иахҟьаны ауниверситет аҟны аҵара аанкылоуп. Аректорат аӡбамҭала аушьҭымҭацәа рдипломтә усумҭақәа рыхьчоит. Атехникала уиаҟара ҳаиқәшәам, даара аџьабаа адаҳбалеит, аха ҩба-хԥа гәыԥ рдипломтә усумҭа ахьчара онлаин аҳасабала имҩаԥаагоит. Амагистрантцәа фышықәса аҵара рҵоит, насгьы ргәыԥ маҷуп, сынтәа иалго ҳфакультет аҟны жәаҩык роуп иҟоу. Иааизакны 77-ҩык алгоит, урҭ рахьынтә амагистрантцәа - 10-ҩык. Акомиссиа аԥышәара здызкыло рхыԥхьаӡара ҳармаҷырц ҳаӡбеит. Уи иалоуп акомиссиа аиҳабы, адекан, амаӡаныҟәгаҩ. Астудентцәа зегьы зум ҳәа иҟоу аплатформа ахархәарала русумҭақәа рыхьчеит, ибзианы иазыҟаҵан. Жәаҩык рахьынтә быжьҩык хәба ҳәа ирыхьчеит егьырҭ ԥшьба ҳәа. Ари раԥхьатәи ԥышәароуп, аинтернет ахаҭабзиара уиаҟара иҳаракымызт, ианеиԥҟьоз ыҟан, аха ишахәҭаз иҟаҳҵеит. Аграфик шьақәгылоуп мчыбжьык ҳәа, хәҩы-хәҩы еиҳамкәа иаарыԥхьоит, ашьыбжьышьҭахь даҽа хәҩык ирыхьчоит русумҭақәа", - иҳәеит Габелиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

Атемақәа:
Ачымазара ҿкы – акоронавирус Аԥсни адунеи аҿи: иалкаау (530)

Ихадоу атемақәа