07:38 11 Ԥхынгәы 2020
Ишиашоу ицо аефир
  • USD71.23
  • EUR80.27

Бганба: аԥсшьаҩцәа рыдкылара шшәарҭоу еилаҳкаауеит, аха ахныҟәгара уадаҩхеит

Арадио
Икьаҿу ахьарԥш аиура
4610

Гагра араион атуризми акурортқәеи рзы аусбарҭа аиҳабы Ахра Бганба арадио Sputnik аефир аҟны иҳәеит Ауааԥсыра акоронавирус рацәыхьчаразы аоперативтә штаб аҵыхәтәантәи аилатәараҟны иҟаҵаз ажәадгалақәа араион аҟны инхо гәахәарыла ирыдыркылеит ҳәа.

Бганба: аԥсшьаҩцәа рыдкылара шшәарҭоу еилаҳкаауеит, аха ахныҟәгара уадаҩхеит

Аҭагылазаашьа ҭышәынтәаланы иаанхар, ԥхынгәы 15 инаркны атуристтә аамҭахәҭа аартра азҵаара аус адулазарц анапынҵа ҟанаҵеит Ауааԥсыра акоронавирус рацәыхьчаразы аоперативтә штаб. Уи атәы аилатәараҿы иҳәеит Аԥсны аԥыза-министр Александр Анқәаб.

"... Ԥхынгәы 15-нӡа атуристтә сезон ҳҽазыҟаҳҵароуп. Уажәшьҭантәи аҭагылазаашьа зеиԥшрахо ҳбоит, аҳәаа аартхар атуристцәа рыдкылара ҳалагоит. Иазгәаумҭар алшом аҭагылазаашьа шыуашәшәыроу. Ицәгьоуп аҿкы ахымҩаԥгашьа атәы аҳәара. Аԥсны атуризм аминистр аштаб ирыдигалаз ауснагӡатә ауаа гәахәарыла ирыдыркылеит. Гагра иқәынхо раагарҭа маҷхеит, избанзар раԥхьа инаргыланы туристтә қалақьуп. Еилаҳкаауеит асасцәа рыдкылара шшәарҭоу, аха ахныҟәгара уадаҩхеит. Асасааирҭақәеи агәабзиарачаԥарҭақәеи рҟны аус зуа рхыԥхьаӡара рацәоуп, урҭ зегьы аԥхынтәи аамҭахәҭа иақәгәыӷуан. Иахьа иаҳбоит Краснодартәи атәылаҿацә аҟны аԥсшьаҩцәа шырацәоу, уи ҳауаажәлар агәынамӡара рызцәырнагоит", – иҳәеит Бганба.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

Ихадоу атемақәа