02:46 04 Нанҳәа 2020
Ишиашоу ицо аефир
  • USD74.16
  • EUR87.23

Қапԥҳа акарантиншьҭахьтәи аконцерт азы: ҳартистцәа асцена гәхьааргеит, ҳара – ахәаԥшцәа

Арадио
Икьаҿу ахьарԥш аиура
24 0 0

Аԥснытәи аҳәынҭқарратә филармониа аӡыргаразы аспециалист хада Арифа Қапԥҳа арадио Sputnik аефир аҿы еиҭалҳәеит акоронавирус аламырҵәаразы ҳтәылаҿы иаԥҵаз аԥкрақәа афилармониа аусура ишанырыз.

Капԥҳа акарантиншьҭахьтәи аконцерт азы: ҳартистцәа асцена гәхьааргеит, ҳара – ахәаԥшцәа

Акарантин ашьҭахь раԥхьатәи аконцерт мҩаԥгахоит Аԥснытәи аҳәынҭқарратә филармониаҟны ԥхынгәы 15 рзы.

"Апандемиа ҳусура даара анырра анаҭеит. Сынтәа раԥхьаӡа акәны иаԥаҳхыит есышықәса имҩаԥаҳгоз Марттәи ажәылара иазкыз аконцерт. Ихабгалеит егьырҭ ҳапланқәагьы. Иҳамаз жәларбжьаратәи апроектқәа, аџьазтә фестиваль аума, ахортә фестиваль аума, аҳәаа аартхаргьы, афинанстә ҭагылазаашьа иахҟьаны рзыхынҳәара уадаҩхоит. Уажәы афилармониа афинанстә ҭагылазаашьа, егьырҭ акультуратә ханқәа реиԥш, даара ихьысҳауп. Раԥхьатәи ҳконцерт ахь инеирц ҳҭахуп аклассикатә музыка гәхьаазгаз зегьы, абилетқәа рыхәқәа зынӡа иҳармаҷит. Апрограмма - хазыноуп. Афилармониа анапхгара планс иҳамоуп ишьақәгылаз аҭагылазаашьа ҳҽақәыршәаны, ҳаҩнуҵҟатәи аресурсқәа ҳхы иархәаны, ҳара ҳсолистцәа рконцертқәа рымҩаԥгара", - ҳәа еиҭалҳәеит Қапԥҳа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

Ихадоу атемақәа