"Аԥсыбаҩ ахагаларазы амҩа ырманшәалатәуп аҟнытә аусурақәа макьана ицоит. Аспелеологцәа роуп уи аус знапы иану. Ҳара хыхь ацхыраара раҳҭоит, аӡы, амаҭәа ԥха уҳәа ирҭаху амаругақәа рыла еиқәҳаршәоит. Аурыс спелеологцәа даара аԥышәа змоу роуп. 300 метра аҵаулараҿы аус ҳуртә еиԥш аҭагылазаашьа ҳақәымшәац, Урыстәылантәи ианаауа аҳаԥы аҩнуҵҟа ацхыраара аҟаҵаразы аҽазыҟаҵарақәа мҩаԥаагахьеит, аха уажәтәи аоперациаҿы еиҳарак дара-дара роуп аусурақәа назыгӡо. Аурыс спелеологцәа иаҳа иазыманшәалоуп. Ҳара аԥышәа ӷәӷәа ҳамамзаргьы, Фат Смыр иеиԥш иҟоу аҷкәынцәа аҳаԥы аҩнуҵҟа аусурақәа акырынтә имҩаԥыргахьеит, уи атәы рдыруеит", – ҳәа еиҭеиҳәеит Кәыҵниа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
Иара убас шәаԥхьар ҟалоит:
- Арбаика аҳаԥаҿы иҭахаз аспелеолог Демидов иԥсыбаҩ ахаҳәқәа ирыҵыргеит
