Аминистрцәа Реилазаара ақәҵара аднакылеит акриптовалиута аиура аҭышәныртәаларазы. Уаҟа иазгәаҭоуп 60 мзартә мшы ҿҳәарас иҟаҵаны ареспублика аҵакырахь акриптовалиута аиуразы иаҭаху атауар алагаларазы азин аԥырхырц. Аԥсны аекономика аминистрра абри ақәҵара анрыдыркыла ашьҭахь 30 мзартә мшы ирхымгакәа акриптовалиута аиуразы анорматив-зинтә ҳәаақәҵара хықәкыс иҟаҵаны азакәанԥҵара аԥсахрақәа алагаларазы азакәан апроект архиарц.
"Афымцамч ажәлар зегьы еицырзеиԥшуп, зегьы ринтересқәа еиԥшны иҟаҵатәуп. Уи ус аҟаҵаразы амаининг иаҿуи аҳәынҭқарреи ҟыҟ-ҿыҟда еилацәажәатәуп. Иаҳҳәап, амаининг азакәан шьаҭа ауҭеит, аха ҳара ҳфымцатә цәаҳәақәа ишыӷәӷәам рыла ирзынагӡома уи аусура - абри аҭак ҟарҵароуп "Амшынеиқәыфымцамч" аҿы иҟоу аспециалистцәа", - ҳәа азгәеиҭеит Шьалашьаа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
Иара убас шәаԥхьар ҟалоит:
- Аминистрцәа Реилазаара амаининг аҭышәныртәаларазы ақәҵара аднакылеит
-
"Амшынеиқәафымцамч" Очамчыра араион аҿы амаинингтә фермақәа быжьба аанарԥшит
