03:49 29 Абҵара 2020
Ишиашоу ицо аефир
  • USD75.86
  • EUR90.46

Ҷыҭанаа амаршруттә реис Ԥсҳәы-Аҟәазы: ицәгьоуп хәба-фба сааҭ автобусла ашьха аҿалара

Арадио
Икьаҿу ахьарԥш аиура
13 0 0

Аҟәа араион ахада Алхас Ҷыҭанаа арадио Sputnik аефир аҿы еиҭеиҳәеит Ԥсҳәыҟа амаршруттә реис аусура заанкылахаз.

Раионк аԥсҭазаараҟынтә: Ҷыҭанаа амаршруттә реис Ԥсҳәы-Аҟәа аусура аанкыларазы

"Автобус ныҟәаӡом, иаанкылоуп. Амашьына ахаҭа аремонт аҭаххеит, аҩбатәи – амашьынарныҟәцаҩ иус аанижьит, ицәгьоуп еснагь ацара-аара. Макьана аӡәгьы даҳзымыԥшаацт. Автобус ҟаҳҵоит уи уамак ҳадхаларым, аха амашьынарныҟәцаҩ иԥшаара аус уадаҩхеит. Еснагь аграфик иақәшәо ицаны иаало даҳзымыԥшаацт. Ицәгьоуп автобус хәба-фба сааҭ ауаа ақәыртәан ашьха аҿалара. Жәохәымш ҵуеит имныҟәоижьҭеи амашьына. Уажәы Аҟәа автобустә парк аиҳаби сареи аицәажәарақәа ҳарҽуп, сгәы иаанагоит уахь узго амҩақәа аркхаанӡа ҩынтәҟа автобус ҳашьҭып ҳәа. Ауаа рымҩангара ас еиԥш иҟоу амҩаҿы аҭакԥхықәра дуӡӡа ацуп, уи зегьы ирылшом, убри аҟнытә ари азҵаара игәцаракны иазнеитәуп", - ҳәа еиҭеиҳәет Ҷыҭанаа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

Ихадоу атемақәа