Микрофон  - Sputnik Аҧсны
Арадио

Амҷыԥҳа еиҭалҳәеит акоронавирус ҿкы азы Германиа аҭагылазаашьа зеиԥшроу

© Foto / предоставила Хибла Амичба Хибла Амичба
Хибла Амичба  - Sputnik Аҧсны
Анапаҵаҩра
Германиа иҟоу Аԥсны ахаҭарнак Хьыбла Амҷыԥҳа арадио Sputnik аефир аҟны еиҭалҳәеит акоронавирус ҿкы азы иахьазы атәылаҟны аҭагылазаашьа зеиԥшроу атәы.

 

Амҷыԥҳа еиҭалҳәеит ҭагалан Германиа COVID- 19 азы аҭагылазаашьа зеиԥшроу

"Аҭагылазаашьа уажәы иаҳа иуадаҩуп, ахыԥхьаӡарақәа реизҳара иаҿуп зегьынџьара еиԥш Германиагьы. Роберт Кох ихьӡ зху аинститут асаит аҟны есыҽны иадырбоит аҭагылазаашьа иацы иаҿырԥшны шаҟа аҽаԥсахыз. Берлин мацара 23 нызқьҩык ирыхьуеит ҿыц, ақалақь ахада аԥҵара ҿыц рылеиҳәеит, шьҭа иахьабалак адәаҟны ауаа реизарҭақәа рҿы асабрадақәа рыда ацәырҵра ҟалаӡом. Ахараԥса иддыршәо дырҳаракит 50 инаркны 500 евро рҟынӡа. Уажәы ҭагалантәи аԥсшьарамшқәа ҳамоуп, џьара ԥсшьара уцозар, 48 сааҭ еиҳаны изхымҵуа атест умазароуп. Урҭ иахабалкгьы иҟауҵар алшоит авокзалқәа рҿы мамзаргьы аҳаиртә баӷәазақәа рҟны. Аԥҟарақәа дырӷәӷәоит аекономика иаԥырхагамхартә еиԥш изхәыцны. Убасгьы ԥҟара ҿыцны иалагалоуп уаха асааҭ 11 инаркны ашьыжь асааҭ 6-нӡа Берлин ақьафурҭақәа зегьы аркызароуп", - лҳәеит Амҷыԥҳа.

 

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Акоронавирус иазку ажәабжьқәа зегьы шәрыԥхьар ҟалоит абра>>

Ажәабжьқәа зегьы
0