04:25 03 Ԥхынҷкәын 2020
Ишиашоу ицо аефир
  • USD75.62
  • EUR91.31

Раионк аԥсҭазаараҟынтә: Кур-иԥа Аӡаԥшь арыцқьара иазкны

Арадио
Икьаҿу ахьарԥш аиура
33 0 0

Аҟәа ақалақь ахадара иатәу аунитартә наплакы Аиқәыршәазаара аиҳабы Саид Кур-иԥа арадио Sputnik аефир аҿы еиҭеиҳәеит аҳҭнықалақьуаа изныкымкәа ирыҵалахьоу аӡиас маҷ Аӡаԥшь арыцқьаразы аусурақәа ирцашьоу.

Раионк аԥсҭазаараҟынтә: Кур-иԥа Аӡаԥшь арыцқьара иазкны

"Аӡаԥшь аӡиас ахьымҩасуа аҭыԥ аҿы атуннельқәа ҩба ыҟоуп, дара анышәла ишәаҳауп. Ус еиԥш иҟоуижьҭеи акрааҵуеит, аӡы ацарҭа амаӡам, ианхыцлак ауаа ирыҵалоит. Уажәы арыцқьарақәа цоит. Уи напыла иҟаҵатәу усуп, атехника уахь изнеиӡом. Туннельк 200 метрак инареиҳаны аура амоуп, дара рыҩбагь еивагылоуп. 12-ҩык ауаа есыҽны арыцқьарақәа ирҿуп напыла. Атуннельқәа ррыцқьара хымш-ԥшьымҟа ҳцәагап ҳәа ҳгәы иаанагоит. Сара излаздыруа ала, ас еиԥш аусурақәа аибашьра ашьҭах имҩаԥымсыцызт. Арҭ атуннельқәа аӡхыҵра ашьҭахь еиҭа ишәаҳахар алшоит, убри аҟынтә еснагь хылаԥшра рҭахуп, лассы-лассы ирыцқьалатәуп", - ҳәа еиҭеиҳәеит Кур-иԥа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Ихадоу атемақәа