00:14 16 Ажьырныҳәа 2021
Ишиашоу ицо аефир
  • USD73.55
  • EUR89.25

Шамугьиа Тҟәарчалтәи ахәышәтәырҭа аргыларазы: ахыркәшара 2021-тәи ашықәс ахь ииагоуп

Арадио
Икьаҿу ахьарԥш аиура
21 0 0

Аргыларатә фирма "Тҟәарчаларгылара" аиҳабы Рауль Шамугьиа арадио Sputnik аефир аҿы еиҭеиҳәеит араион аҿы инарыгӡо аобектқәа рҿы аусурақәа рцашьа атәы.

Раионк аԥсҭазаараҟнытә: Шамугьиа Тҟәарчаларгылара инаныгӡо аусурақәа ртәы

"Ақалақь аҿы аӡымҩанагагақәа рыԥсахразы апроект Аинвестпрограмма иатәуп. Цәыбррамзазы аусурақәа хацыркын, хымш-ԥшьымш рыла ҳалгоит. Анхацәеи ҳареи ҳаилацәажәан дара ишырзыманшәалаз аӡцарҭақәеи аӡымҩангақәеи ҟаҵоуп, ажәытә схемақәа еиқәымхеит аҟнытә. Уадаҩра дуны иҳамоу ахәышәтәырҭа ауп. Ари ашықәс аусурақәа зегьы хыркәшазар акәын, аха ҳаихьӡом, аусурақәа рыҿҳәара аамҭа ажьырныҳәамзахьы ицеит, усҟан ҳалгароуп, ус ауп адҵа шҳаду. Араионтә хәышәтәырҭа иназыцҵоу асмета аекспертиза иахысны иааит, уажәы иагқәоу рыла аргыларақәа ирылагоуп. Апроект ацҵара ицәырнагеит ауадаҩрақәа, иҟаҳҵахьаз амҩа ԥҽтәхеит, аӡы ҿыц инагатәуп, аӡцарҭақәа ԥҽтәуп, анаҩс еиҭа ҿыц иҟаҵатәуп. Аԥара азоужьразы еиҵахара ыҟаӡам, аха иҳамоу аспециалистцәа маҷуп, араион аҿы иҟоу рыла аус аауеит, аха егьырҭ араионқәа рҟнытәгьы ианадҳаԥхьалогьы ыҟоуп", - ҳәа еиҭеиҳәеит Шамугьиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Ихадоу атемақәа