00:31 16 Ажьырныҳәа 2021
Ишиашоу ицо аефир
  • USD73.55
  • EUR89.25

Аетнолог еиҭеиҳәеит Қьырсазы ахәышҭаараҿы амца зырыхьчоз

Арадио
Икьаҿу ахьарԥш аиура
21 0 0

Аетнолог Валери Бигәаа арадио Sputnik аефир аҿы еиҭеиҳәеит ажәытәан аԥсуаа Қьырса иира амш ныҳәа шазгәарҭоз, насгьы уи иадырҳәалоз азгәаҭарақәеи ртәы.

 

Аетнолог еиҭеиҳәеит Қьырсазы ахәышҭаараҿы амца зырыхьчоз

"Қьырса аԥсуаа рытрадициатә динқәа иреиҳау ныҳәоуп. Ажәытәан сабду иҟаиҵоны исгәалашәоит Қьырса аныҳәа амза 25 рзы. Аныҳәа ахаҭа жәытә-натә аахыс изыдҳәалоу амроуп, амра аира. Аӡынра аамҭазы амра алада иласкьоит, амра ааҭгылара аамҭа амза 22 рзоуп. Амза 21 рзы уахгьы-ҽынгьы ахәышәҭаараҿы амца еиқәызар акәын, ар рымца ҳәа изышьҭоу, уи иахылаԥшуан. Уимоу, аҳәысҭаҟны игәаҩаӡа ҵлакы иажәны игылазар, амца ацрарҵон, ажәҩан аҟынӡа амцабз неиуама уҳәаратәы. Убри алагьы амра дырԥхон, аԥсы ҭарҵон. Амра аԥсы ҭамлар ҳәа ишәон. Аныҳәатә аишәаҿы хаатәык ықәзар акәын, хаатәыс ҳәа изышьҭазгьы акәац акәын, акы ршьыр ахәҭан. Ауаҩы ибзиан акрыфан дыҟазар акәын. Амра агылара даргьы ацгылошәа, амч рнаҭошәа ргәы иаанагон. Амроуп ауаҩы амч изҭо ҳәа иԥхьаӡан, иахьагьы ус ауп ишыҟоу", - ҳәа еиҭеиҳәеит Бигәаа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

Ихадоу атемақәа