Аԥсны атуризм аминистрра XXVII Жәларбжьаратәи атуристтә цәыргақәҵа MITT-2021 иалахәуп Москва. Аԥснытәи аделегациа напхгара аиҭоит атуризм аминистр Ҭеимраз Хышба. Сынтәа ауснагӡатә мҩаԥысуеит Жәларбжьаратәи ацәыргақәҵатә центр "Крокус Экспо" аҿы хәажәкыра 16-18 рзы.
"Ирацәаҩуп ацәыргақәҵа иаҭаауа, азҿлымҳара дууп. Ацәыргақәҵа алахәцәа рхыԥхьаӡара егьырҭ ашықәсқәа ирҿырԥшны ус ирацәамзаргьы, иара ашҟа иҟоу аинтерес иаҳа имаҷхеит ҳәа узҳәаӡом. Аԥсны астенд аазырԥшуа рацәаҩуп, атуризм аминистр егьырҭ аминистрра аусзуҩцәа, асасааирҭақәа рхаҭарнакцәа, Ахәаахәҭра –ааглыхратә палата, атуроператорцәа, атрансфер аганахьала аус зуа. Аԥсны астенд ахь иааиуа асасцәа рацәоуп, азҿлымҳара иарҭо ҳаракуп. Ирҳәоит Аԥсныҟа иаарц, ирбарц, рыԥсы ршьарц ргәы ишҭоу. Еиҳарак иазҵаауеит Аԥсныҟа ааразы ԥҟарас иҟоу, аковид чмазара аганахьала аилыркаа шәҟәқәа аҭахума", - лҳәеит Логәуаԥҳа.
Убасгьы иазгәалҭеит ирыдҵаало ауаа рыбжьара аҿар иаҳа рхыԥхьаӡара иацлеит егьырҭ ашықәсқәа ирҿырԥшны ҳәа.
Шәазыӡырҩы аудио.
Иара убас шәаԥхьар ҟалоит:
- Аԥсни Санкт-Петербурги атуризм аусхк аҿы аусеицуразы амеморандум рнапы аҵарҩит
-
Аԥсни Кубеи атуризм аусхк аҟны аусеицура атәы иалацәажәеит
