03:06 30 Ԥхынгәы 2021
Ишиашоу ицо аефир
  • USD73.19
  • EUR86.86

Кәакәасқьыр еиҭеиҳәеит ҭаацәак Аԥсны аԥхынтәи рыԥсшьара шаҟа мааҭ ирызтәар алшо

Арадио
Икьаҿу ахьарԥш аиура
1610

Амилаҭтә туристтә еилахәыра аиҳабы Руслан Кәакәасқьыр арадио Sputnik аефир аҟны еиҭеиҳәеит аԥсшьаразы ахарџь иаҵанакуа ахәҭаҷқәа, иара убас аҭаацәа шаҟа мааҭ ирызтәо аԥхын аԥсшьара.

Кәакәасқьыр еиҭеиҳәеит ҭаацәак Аԥсны аԥхынтәи рыԥсшьара шаҟа мааҭ ирызтәар алшо

Аԥсшьарҭаҭыԥ заанаҵы аҿаҵаразы амаҵзура TVIL.RU иҳәаақәнаҵеит 2021 шықәсазы ҭаацәала аԥсшьаразы иаҳа зыхә мариоу аҭыԥқәа. Аԥсны уи асиаҟны 15-тәи аҭыԥ ааннакылеит.

Урыстәылатәи арегионқәа хәба – аԥхынтәи аԥсшьара бжьаратәла 10 000 мааҭ иахьреиҳам ракәны иҟоуп: Воронежтәи, Волгоградтәи, Ростовтәи аобластқәа, Ҟабарда-Балкариа, Ҭаҭарсҭан.

Аԥсны 26 нызқьи 201 мааҭ ҳәа уԥсы ушьар ҟалоит ҳәа арбоуп аԥсшьарҭаҭыԥ заанаҵы аҿаҵаразы амаҵзура TVIL.RU адырраҟны.

"Аԥхын агәазы 2500-3500 мааҭ ирызтәоит хаҵеи ԥхәыси уахыки-ҽнаки рыԥсшьара. Акрыфара бжьаратәла иаҳгозар, са сахьахәаԥшуа ала, шьыжьхьа 200 мааҭ рҟынӡа иҟоуп, 300-400 мааҭ иаԥсоуп шьыбжьонтәи иара убас хәылбыҽхатәи рыкрыфара. 1000 мааҭ еиҳаны иалҵӡом. Иҟоуп хәыҷык иахьеиҳау, ма хәыҷык иахьеиҵоу. Бжьаратәла уахәаԥшуазар, аӡәы 1000 мааҭ акрыфаразы ҽнак изхоит дахьыҩноу аԥсшьарҭаҟны", - иҳәеит Кәакәасқьыр.

Шәазыӡырҩы аудио.

Иара убас шәаԥхьар ҟалоит:

Ихадоу атемақәа