Аҟәеи Очамчыреи еимаздо ареспубликатә мҩаду ахәҭак ырлашахоит 2021 шықәсазы. Абри атәы иҳәеит Аԥсны акапиталтә ргылара аиҳабы Ҭемыр Агрба Очамчыра араион ахадараҿы имҩаԥысыз аилатәараҿы.
"Очамчыреи Аҟәеи еимаздо амҩаду арлашара Аинвестпрограмма иалоу апроектқәа ирхаданы иҟоуп. Аусурақәа х-етапкны имҩаԥгахоит. Ари ашықәс иҭагӡаны 19 километрак ацәаҳәақәа рыҟаҵара нап адыркуеит, иара убас ари ашықәсан Мықә, Маркула, ақалақь аҩнуҵҟа ҩ-километрак, амҩақәа акаҭран рықәҵаны аҟаҵара азгәаҭоуп. Иара убас араион аҿы изҵаара хаданы иқәгылоуп аӡеизгарҭа аиҭашьақәыргылара. Ари азҵаара шыӡбахо сынтәа аилацәажәараҿы иазгәаҭан. Аӡеизгарҭа ахаҭа Аинвестпрограммаҿы иарбоуп, аха адамба аӡы иҵнаӡәӡәаауа иалагеит, уи апроект ианадырбоз ус еиԥш иҟамызт, уи аҭашьақәыргылара иазоушьҭхо аԥара аҳәынҭқарратә биуџьет аҟнытә акәхоит", - еиҭеиҳәеит Габелаиа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Иара убас шәаԥхьар ҟалоит:
- Агрба ареспубликатә мҩаду Аҟәа-Очамчыра арлашаразы: апроект ишахәҭоу еиқәыршәоуп
- Очамчыра ахәыҷбаҳча аус ауам аӡи афымцалашареи рзы иҟоу апроблемақәа ирыхҟьаны
-
Раионк аԥсҭазаараҟынтә: Шамугьиа Тҟәарчалтәи ахәшәтәырҭаҟны аусурақәа ахьынӡанагоу атәы
