"Аусурақәа ирылагахоит амза анҵәамҭазы. "Амшынеиқәафымцамч" иаарласны ироураны иҟоуп урҭ рхацыркразы аԥарақәа. Дара амаругақәа аҿарҵоит, анаҩс иааганы аргылара нап адыркуеит. Аусурақәа рхыркәшара азгәаҭоуп 2022 шықәса рзы. Убри аан актәи аетап 2021 шықәса рзы имҩаԥгахоит. "Амшынеиқәафымцач" роуп аусурақәа мҩаԥызго аҟнытә, уи ианаамҭоу ихдыркәшап ҳәа ҳгәыӷуеит. Аусурақәа ҩ-етапкны ишоуп. Актәи аетап - 19 километр аҵанакуеит: Аӡҩыбжьа-Кындыӷ-Тамшь, аҩбатәи аетап – Маҷаркантә Аӡҩыбжьанӡа анаҩс, Тҟәарчал амҩеихда аҟынӡа, абас ауп апроект ишаҳәо", - ҳәа еиҭеиҳәеит Агрба.
Аԥсны акапиталтә ргыларазы аусбарҭа аиҳабы иажәақәа рыла, апроект агәаҭарақәа ирхысит Аԥсни Урыстәылеи.
"Уи анаҩс ишьақәыргылан аиқәшаҳаҭра, "Амшынеиқәафымцамчи" ҳареи ҳабжьара, уи ҳнапы аҵаҳаҩхьеит. Апроблемақәа ҳәа акгьы ыҟаӡам, зегьы ишахәҭоу еиқәыршәоуп. Ашьаҟақәа имжьакцо аиха иалхуп. Актәи аетап аҿы иазгәаҭоуп 600 цыра ашьаҟақәа рыргылара, аҩбатәи аҟны - даҽа 600. Аобиект аныргылахалак ашьҭахь, иара анҳадаҳкыло, "Амшынеиқәафымцамч" ирыдҵахоит уи ахылаԥшра", - ҳәа еиҭеиҳәеит Агрба.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Иара убас шәаԥхьар ҟалоит:
-
2021 шықәсазы Аҟәа инаркны Очамчыранӡа ареспубликатә мҩаду лашарала еиқәыршәахоит
