04:58 17 Рашәара 2021
Ишиашоу ицо аефир
  • USD72.03
  • EUR87.35

Ҷыҭанаа: Ауадҳара аҭыԥ змоу ахҭыс аекологиатә рыцҳара иазааигәоуп

Арадио
Икьаҿу ахьарԥш аиура
48 0 0

Риҵатәи амилаҭтә реликттә парк иаҵанакуа Ауадҳара сынтәа ԥсшьара ҳәа ихаларц згәы иҭоу рзы ашәарҭара ыҟоума, уи адгьылҳәазара акәу, даҽа ԥсабаратә цәырҵроу изыдҳәалоу атәы арадио Sputnik аефир аҟны еиҭеиҳәеит Аекологиазы аҳәынҭқарратә еилакы ахантәаҩы Савели Ҷыҭанаа.

Ҷыҭанаа: Ауадҳара аҭыԥ змоу ахҭыс аекологиатә рыцҳара иазааигәоуп

"Ауадҳара иҟалаз ахҭыс аекологиатә катастрофа иазааигәоуп уҳәар ҟалоит, аха уи аԥсабаратә мчқәа рыла ишьақәгылаз акоуп. Аӡҵәыҵәы уанаҩслак, ацҳа ашьҭахь ҭыԥк ҟьаҟьарашәа иҟоуп, уи ахахьы иҟаз абахәра азбжак амыҩрын, адгьыл, аҵлақәа зегьы ҳәазаны рҿаархан ииасуа Ауадҳара аӡиас акырц аҟынӡа акгьы агымхо иҟалеит. Анцәа иџьшьаны аӡиас аннакылартә еиԥш аҭагылазаашьа шьақәгылам. Убра иаӡәӡәо агәамсам, иаанаго анышә Риҵа иалалоит. Аӡиа иахьа ихәашьӡа иҟоуп. Аспециалистцәа излазгәарҭо ала, уи ахәашьра аԥхын зегьы инхар ҟалоит. Уи иахҟьаны аӡы аԥхарра иацлар ҟалоит градуск, ҩ-градуск рҟынӡа, уи аԥсыӡқәа ирзымчҳар алшоит, урҭ рнаҩс уа иҟоу аӡы иаҵанакуа аекосистема", - иҳәеит Ҷыҭанаа.

Инеиҵыху аиҿцәажәара шәаҳар шәылшоит аудиофаил аҟны.

Ихадоу атемақәа