00:33 30 Ԥхынгәы 2021
Ишиашоу ицо аефир
  • USD73.19
  • EUR86.86

Хра злоу ахҭысқәа: Џьопуеи Қорсаиеи COVID-19 азы аҭагылазаашьеи алаҵаҟаҵареи ирызкны

Арадио
Икьаҿу ахьарԥш аиура
9 0 0

Аҟәа ақалақь ацхыраара ласы аҳақьым хада Аслан Џьопуеи Д.Гәлиа иҩны-амузеи аиҳабы Светлана Қорсаиаԥҳаи арадио Sputnik аефир аҿы иалацәажәеит иахьатәи аамҭазы COVID-19 азы атәылаҿы ишьақәгылаз аҭагылазаашьеи ачымазара аҽацәыхьчареи атәы.

Хра злоу ахҭысқәа: Џьопуеи Қорсаиеи COVID-19 азы аҭагылазаашьеи алаҵаҟаҵареи иазкны

Д. Гәлиа иҩны-амузеи аиҳабы Светлана Корсаиаԥҳа COVID-19 аҟынтә актәи алаҵа ҟазҵахьоу дреиуоуп, рашәарамза 25 рзы иазгәаҭан илымоуп аҩбатәи. Лара ачымазара лҽацәыхьчо алаҵаҟаҵара аҟынӡа ааира лылшеит.

"Авирус даара ишәарҭоуп, уи ҳакәша-мыкәша иҟоу аҭагылазаашьала иаабоит, аҽацәыхьчара саҿуп. Шықәсык ҵуеит аконцертқәеи атеатрқәеи, ачарақәеи аԥсхәрақәеи рахь сымныҟәоижьҭеи", - ҳәа азгәалҭеит Қорсаиаԥҳа аиҿцәажәараҿы.

Аҟәа ақалақь ацхыраара ласы аҳақьым хада Аслан Џьопуа иажәақәа рыла, аԥхын аҿкы чымазара иаҳа иԥсыҽхоит, аха уи иаанагаӡом иара зынӡагьы ицеит ҳәа, убри аҟнытә уи аанызкылоны иҟоу макьаназы алаҵоуп, ҳәа азгәеиҭеит иара.

"Ачымазара ҿиоит аӡынра, аԥхынра - иаҳа иԥсычуп. Иаҳҳәап, агриппи иареи еидукылозар, уи аԥхынра  зынӡагьы иҟам, акоронавирус акәзар, аԥхынра иԥсыҽуп. Аха аштаммқәа ацлара иаҿуп. Дара ауаҩы изы, ԥсабарала ус иаԥуп, ма иԥсыҽхоит, ма аҽарцәгьоит, уажәазы макьана ишаабо ала, урҭ аштаммқәа хьанҭоуп ауаҩы изы. Убри аҟнытә, зегь реиҳа иҳахәоны иҟоу иахьазы алаҵоуп, уи ауп ачымазара нызкылоны ҳәа иҟоу", -  азгәеиҭеит Џьопуа.

Инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

Ихадоу атемақәа