Қәычбериаԥҳа Аԥсны ахьыԥшымра азхаҵара амш азы: сшьапқәа ҵысуан, ес-минуҭ аҵәыуара сакуан
17:00 26.08.2021 (ирҿыцуп: 17:10 26.08.2021)
© Sputnik / Марианна Кубрава
Анапаҵаҩра
Аԥсны ахьыԥшымра азхаҵара амш ажәабжь иацыз агәырӷьареи, иузеиҭамҳәо агәеизҳареи атәы арадио Sputnik аефир аҿы еиҭалҳәеит ажурналист Анжела Қәычбериаԥҳа.
Қәычбериаԥҳа Аԥсны Ахьыԥшымра азхаҵара амш азы: сшьапқәа ҵысуан, ес-минуҭ аҵәыуара сакуан
Анжела усҟан Апсныпресс аҿы аус луан. Ахҭыс аҿиашьеи уи аполитикцәа рҟнытә ахҳәаақәеи ртәы анаҩс лматериалқәа рҿы ирныԥшуан.
"Шьыжьнаҵы иахьа ҳазгәарҭар ҟалап, асааҭ хԥа рзы ажәабжьқәа аҿашәк ҳәа аӡәы исеиҳеит. Аусураҿы ателевизор ҳаман, асааҭ хԥа рзы хә-минуҭк шагыз зегьы ҳҵыс-ҵасуа ҳаилатәан, аха ҳара ҳадагьы зегьы ираҳар сҭахын ажәабжь, ашә аасыртын, ауаа русқәа рзы игылаз ҳрыԥхьеит. Имааиуазгьы мчыла рнапқәа ҳрыхан иҩнаҳгалеит. Медведев дцәырҵны иааԥхьара аҳәара даналага инаркны аҵысра салагахьан, исмаҳауашәа снарбон. Убысҟак ацәаныррақәа ацын уи иқәгыламҭа. Иазгәаҭоуп Аԥсны ахьыпшымра ҳәа аниҳәа, зегьы арҵәаа ҳәа иҳәҳәеит. Уи ацәанырра атәы аиҭаҳәара цәгьоуп, уи улсроуп", - ҳәа илгәалалыршәеит ажурналист.
Анжела Қәычбериаԥҳа еиҭалҳәеит ажәабжь ателехәаԥшрала ианырышьҭ ашьҭахь ақалақь аҿы иҟаз аҭагылазаашьа атәы.
"Уи ашьҭахь ақалақь аҿы иҟоу ҳбандаз ҳәа ҳшыҩуаз мацара Ахақәиҭра ашҭаҿы ҳнеит. Уа амашьынақәа, асигналқәа, ахысра уҳәа, Сергеи Багаԥшь иаара иазыԥшын. Цәгьала ауаа ҳрылҵны иара данааиз аамаҭазы ибжьы аҭаҩразы атрибунахь ҳнеит. Аныҳәа ныҳәоуп, аха иҟаз зегьы ҳҩыр акәын, аполитикцәа рыхҳәаақәа уҳәа, ажәабжь ауаа ирыларҵәатәын. Сшьапқәа ҵысуан, ес-минуҭ аҵәыуара сакуан. Сашьа Москва иҟаз ателефон сизасын ҳазгәарҭеит ҳәа анисҳәа, ԥыҭрак ибжьы иргаӡомызт, анаҩс дышҵәыуаз еилыскааит", - ҳәа еиҭалҳәеит Қәычбериаԥҳа.
"Шьыжьнаҵы иахьа ҳазгәарҭар ҟалап, асааҭ хԥа рзы ажәабжьқәа аҿашәк ҳәа аӡәы исеиҳеит. Аусураҿы ателевизор ҳаман, асааҭ хԥа рзы хә-минуҭк шагыз зегьы ҳҵыс-ҵасуа ҳаилатәан, аха ҳара ҳадагьы зегьы ираҳар сҭахын ажәабжь, ашә аасыртын, ауаа русқәа рзы игылаз ҳрыԥхьеит. Имааиуазгьы мчыла рнапқәа ҳрыхан иҩнаҳгалеит. Медведев дцәырҵны иааԥхьара аҳәара даналага инаркны аҵысра салагахьан, исмаҳауашәа снарбон. Убысҟак ацәаныррақәа ацын уи иқәгыламҭа. Иазгәаҭоуп Аԥсны ахьыпшымра ҳәа аниҳәа, зегьы арҵәаа ҳәа иҳәҳәеит. Уи ацәанырра атәы аиҭаҳәара цәгьоуп, уи улсроуп", - ҳәа илгәалалыршәеит ажурналист.
Анжела Қәычбериаԥҳа еиҭалҳәеит ажәабжь ателехәаԥшрала ианырышьҭ ашьҭахь ақалақь аҿы иҟаз аҭагылазаашьа атәы.
"Уи ашьҭахь ақалақь аҿы иҟоу ҳбандаз ҳәа ҳшыҩуаз мацара Ахақәиҭра ашҭаҿы ҳнеит. Уа амашьынақәа, асигналқәа, ахысра уҳәа, Сергеи Багаԥшь иаара иазыԥшын. Цәгьала ауаа ҳрылҵны иара данааиз аамаҭазы ибжьы аҭаҩразы атрибунахь ҳнеит. Аныҳәа ныҳәоуп, аха иҟаз зегьы ҳҩыр акәын, аполитикцәа рыхҳәаақәа уҳәа, ажәабжь ауаа ирыларҵәатәын. Сшьапқәа ҵысуан, ес-минуҭ аҵәыуара сакуан. Сашьа Москва иҟаз ателефон сизасын ҳазгәарҭеит ҳәа анисҳәа, ԥыҭрак ибжьы иргаӡомызт, анаҩс дышҵәыуаз еилыскааит", - ҳәа еиҭалҳәеит Қәычбериаԥҳа.
Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.
