Гекче Ҷықьԥҳа: "сшаԥсыуоу дсырдырует"

© Foto / Г. Чықьԥҳа лархив аҟынтәГекче Ҷықьԥҳа лыспорттә еихьӡарақәа
Гекче Ҷықьԥҳа лыспорттә еихьӡарақәа - Sputnik Аҧсны
Анапаҵаҩра
Иахьа ҳалаҽхәаратәы иҟоуп Ҭырқәтәыла инхо ҳџьынџьуаа еиуеиԥшым ахырхарҭақәа рҟны иаадырԥшуа аихьӡарақәа. Убас угәы иамыхәар залшом 15 шықәса зхыҵуа ӡиудо азы Ҭырқәтәыла ачемпионка Гекче Ҷықьԥҳа аспорт аҿы иаалырԥшуа аихьӡарақәа.

Саида Жьиԥҳа, Sputnik

Гекче Ҷықьԥҳа хәышықәса анылхыҵуаз лани лаби абаҩрҵәыра дазыркит. Анаҩс аҭыԥҳа илгәаԥханы иалылхит ӡиудо ахырхарҭа.

© Foto / Г. Чықьԥҳа лархив аҟынтәГекче Ҷықьԥҳа лыспорттә еихьӡарақәа
Гекче Ҷықьԥҳа: сшаԥсыуоу дсырдырует - Sputnik Аҧсны
Гекче Ҷықьԥҳа лыспорттә еихьӡарақәа

Иахьа лықәратәии лыкапантәии акатегориаҟны Ҭырқәтәыла ачемпионка ҳәа дыԥхьаӡоуп. 15 шықәса зхыҵуа Гекче Ҷықьԥҳа ахьтәы медалқәа ҩажәеи, араӡнытәиқәа жәабеи дрыԥсахахьеит.

Даҽа знык ачемпионка ититул лыхьчар, дахырыԥхьаӡалоит ӡиудо азы Ҭырқәтәылатәи еизгоу акоманда, егьырҭ адунеи атәылақәа рҟны имҩаԥысуа аицлабрақәа рылахәразы.

"Сара ӡиудо бзиа избеит, избанзар умаха-ушьаха арӷәӷәоит, "ари амч лымоуп" ҳәа зегьы уцәшәалоит", - алаф лҳәоит аҭыԥҳа.

Гекче иарбан еицлабразаалакгьы дызлахәу, дшаԥсыуоу лхы длырдыруеит.

Сергей Саркисян - Sputnik Аҧсны
Аԥснытәи абоксиор ахьтәы медал иаҭәашьахеит

"Аиааира анызго, аспорттә усмҩаԥгатә аиҿкааҩцәа иансыдырныҳәало, "ҳарҭ аԥсуаа иҳаԥызго дыҟам" ҳәа расҳәоит", - инаҵылшьит лара.

Гекче лазыҟаҵаҩ, ӡиудо азы аспорт азҟаза, изныкымкәа хаҭала Ҭырқәтәыла иачемпионахьоу Неслиҳан Аҩӡԥҳа илҳәеит ари аԥҳәызба ԥхьаҟа агәыӷрақәа здуҳәалаша лакәны дшылбо.

Ӡиудо аҿы алҵшәа бзиақәа ааирԥшуеит Гекче лашьеиҳаб Герқьем. Жәаа шықәса зхыҵуа арԥыс иаҳәшьеиҵбы лоуп ари аспорт хкы ахь дхьазырԥшыз.

© Foto / Г. Чықьԥҳа лархив аҟынтәГекче Ҷықьԥҳа лыспорттә еихьӡарақәа
Гекче Ҷықьԥҳа: сшаԥсыуоу дсырдырует - Sputnik Аҧсны
Гекче Ҷықьԥҳа лыспорттә еихьӡарақәа
Ажәабжьқәа зегьы
0