08:49 23 Жьҭаара 2019
Ишиашоу ицо аефир
  • USD63.63
  • EUR70.92
Игорь Адлейба

Адлеиба: Урыстәыла иреиӷьу абоксиорцәа жәаҩык ртоп сақәшәар ауеит

© Фото: screenshot: Youtube/Данилкин Дмитрий
Аспорт
Икьаҿу ахьарԥш аиура
47 0 0

Апрофессионалтә бокс ахәылԥаз "Галактическая схватка-3" мҩаԥысраны иҟоуп Шәача ақалақь, жәабран 9 рзы. Ахәылԥаз далахәхоит Игор Адлеиба.

АҞӘА, ажьырныҳәа 22 – Sputnik, Бадри Есиава. Апрофессионалтә бокс ахәылԥаз "Галактическая схватка-3" аҟны аиааира иалнаршоит Игор Адеиба Урыстәыла иреиӷьу абоксиорцәа жәаҩык рыгәҭа иҟалара. Абри атәы Sputnik иазеиҭеиҳәеит аспортсмен.

"Уажәы сара адунеитә реитинг аҿы 503-тәи аҭыԥ ныскылоит, урыстәылатәи ареитинг аҿы 13-тәи аҭыԥ аҿы сыҟоуп. Аиааира сызгар иреиӷьу жәаҩык абоксиорцәа срыхәҭакхоит", - иҳәоит Адлеиба.

Игор Адлеиба диндаҭлараны дыҟоуп Узбекистантәи аспортсмен Ахамджон Инаков.

Игор уажәы дызцықәгыло рыкапан 66 кьыла иҟоуп. Ирежим шыҟац иаанхоит.

Игор Адлеиба – Аԥсны изныкымкәа ачемпион, абокс азы жәларбжьаратәи атурнирқәа рлахәыла, кикбоксинг азы адунеи Ахраҿа иаҭәашьоуп, абокс азы ареспублика аспорт азҟаза. Адлеиба апрофессионалтә ринг аҿы ақәгыларақәа хәба мҩаԥигахьеит, рыхәынтәгьы аиааира игахьеит.

Апрофессионалтә бокс ахәылԥаз "Галактическая схватка-3" мҩаԥысраны иҟоуп Шәача ақалақь ацентр "Галактика" аҿы, жәабран 9, асааҭ 17.00 рзы. Ахәылԥаз далахәхоит Игор Адлеиба.

Ихадоу атемақәа