Харитон Агрба абокс азы WBA арегионалтә титул даԥсахеит

© Foto / Федерация бокса РФХаритон Агрба
Харитон Агрба - Sputnik Аҧсны
Анапаҵаҩра
Урыстәыла иахьаҵанакуа акоронавирустә ԥкырақәа рырԥсыҽра ахыхра ашьҭахь раԥхьатәи абокс азы атурнир мҩаԥысит Москва, рашәара 15 рзы.

АҞӘА, рашәара 16 - Sputnik. Аԥснытәи абоксиор Харитон Агрба WBA Continental амаҟа ианашьахеит абжьарабжатә капан аҿы иқәгылоз рыбжьара Манук Диланиан даниндаҭлоз. Абри атәы аанацҳауеит Урыстәыла Абокс азы афедерациа.

Харитон Агрба - Sputnik Аҧсны
Харитон Агрба абокс азы арегионалтә титул WBA дазықәԥоит

"Сара сықәгылара агәахәара снаҭоит. Акомандеи сареи аус ду аауит. Алҵшәа сеигәырӷьоит. Раԥхьаӡа акәны жәа-раундк иҟаз ахәылԥаз салахәын. Убри аан иҟан сҽансырԥсыҽуаз, аахақәагьы соуан. Ари аус адулатәхоит ԥхьаҟазы", – ҳәа иҳәеит ақәгылара ашьҭахь Агрба.

Абоксиор иазгәеиҭеит ахәаԥшцәа алахәымкәа ақәгылареи ахәаԥшцәа аналахәу ақәгылареи реиԥшымра.

"Сара сҿаԥхьа ириеҳаӡоу ахықәкқәа ықәсыргылоит, избанзар апрофессионалтә спорт аҿы ухы уақәгәыӷуазароуп. Даара исҭахуп адунеи ачемпион имаҟа аиура сылсыршар", – иҳәеит иара.

Харитон Агрба – Европатәи ахәмаррақәа – 2019 рҟны араӡны медал даԥсахахьеит. Апрофессионалтә ринг аҿы ари ахԥатәи иааироуп иара изы.

Апромоутертә еилахәыра "Патриот", нас абокс азы Урыстәыла Афедерациеи еиҿыркааз ашоу "Лига Ставок: Вечер бокса" мҩаԥысуан асанитартә нормақәа ирықәныҟәаны ахәаԥшцәа аламырхәӡакәа.

© Foto / Федерация бокса РФХаритон Агрба абокс азы WBA арегионалтә титул даԥсахеит
Харитон Агрба абокс азы WBA арегионалтә титул даԥсахеит - Sputnik Аҧсны
Харитон Агрба абокс азы WBA арегионалтә титул даԥсахеит
Ажәабжьқәа зегьы
0