Офицарс иҟаларц зҭахыз, аха асцена иамҽханакыз, артистрра иагаз Шьалуа Гыцба атеатралтә интститут иҭалара ус иахәҭазаарын, уи мчы ӷәӷәак ус иаҭаххеит, ҳәа азыиԥхьаӡоит.
"Анцәа дхасҵоит сара, Анцәагьы дсымоуп, Анцәа идоуҳамчала ауп аинститут сышҭалазгьы, атетар ахь сшьаҿа зеихызгызгьы. Схәыҷаахыс офицарс сҟалозар ҳәа, уи атематика сашьҭашәарыцон, аԥсҭазаараҿы с-инралмхазаргьы, сыԥсҭазаара зегьы здызҳәылаз атеатр аҟны, асценаҟны с-аинралын, с-полковникын, с-генералиссимусын", — ҳәа иҳәоит актиор.
Шьалуа Гыцба иажәақәа рыла, актиор дҟазаны дҟаларц иҭахызар, раԥхьа иргыланы ихазы диашазар ауп, артист амц пату изақәлар ҟалаӡом.
"Актиор дахьыҟазаалак, дызҿызаалак, инаигӡо ароль зеиԥшразаалак ииашарыла иус дазнеиуазар ауп. Ԥсшьаха имаӡам актиор, артистра ицзар ауп, мамзаргьы иара дацзар ауп", ҳәа иазиԥхьаӡоит Гыцба.
Аинформациатә маҵзура Sputnik Аҧсни Аԥсны акультуреи аҭоурыхтә-культуратә ҭынха ахьчареи рзы рминистрреи еиҿнакааит авидеопроект ҿыц "Атеатри аԥсҭазаареи". Иара хацыркыуп хәажәкыра 27 рзы ари амш Жәларбжьаратәи атеатр иамшуп азы. Аҧхьаҩ раҧхьаӡа акәны алшара имазаауеит аҳәынҭқарра иреиҳаӡоу атеатрқәа хҧа — Самсон Ҷанба ихьӡ зхыу адраматә театр, Аурыс драматә атеатр, Аҿар ртеатр рыҧсҭазаара агәылалара, атеатр апроблемақәеи аихьӡарақәеи актиор хадацәа рҟынтә аилкаара.
