Апроект "Атеатри аԥсҭазаареи" иацыиҵоит Аԥсны зҽаԥсазтәыз артист Виачеслав Арӡынба

Анапаҵаҩра
Аԥсны зҽаԥсазтәыз артист Виачеслав Арӡынба Sputnik иазеиҭеиҳәеит раԥхьаӡа асценахь ацәырҵра иара изы ишыуадаҩызи, инаигӡахьо арольқәа рҟынтә еиҳа ирыликаауеи ртәы.

Аԥсны зҽаԥсазтәыз артист Виачеслав Арӡынба иажәақәа рыла раԥхьаӡа асцена дацәшәон, иара изы уи ақәлара агәаӷьра цәгьан.

 "Асцена ақәлара убас сацәшәон, аха сҽааидкыланы исыдыз сроль насыгӡеит, асцена саақәҵит, аха сышԥақәҵи, аԥхӡы сҿашы, сгәы хыҭҳыҭуа", — ҳәа игәалаиршәоит раԥхьатәи ахәыԥшҩы иахь ицәырҵра актиор.

Виачеслав Арӡынба иажәақәа рыла инаигӡахьо арольқәа зегьы иқәҿиеит, аха бзиа иибо игәы ззыбылуа арольқәагьы ыҟоуп.

"Валери Ақаҩба арежиссер иаҳасабла аԥсуа театр аҟны данааи инаркны иқәиргыло аспектакльқәа зегьы срылахәуп, аха сгәы ззыбылуа, зегь реиҳа исықәҿиеит ҳәа исыԥхьаӡо ароль ҳә иҟоу аспектакль "Кьиоджаа рҭыӡшәа" аҟны зҿы акуа Фортонату ироль ", — ҳәа азгәеиҭеит Арӡынба.

Аинформациатә маҵзура Sputnik Аҧсни Аԥсны акультуреи аҭоурыхтә-культуратә ҭынха ахьчареи рзы рминистрреи еиҿнакааит авидеопроект ҿыц "Атеатри аԥсҭазаареи". Иара хацыркыуп хәажәкыра 27 рзы, ари амш Жәларбжьаратәи атеатр иамшуп азы. Аҧхьаҩ раҧхьаӡа акәны алшара имазаауеит аҳәынҭқарра иреиҳаӡоу атеатрқәа хҧа — Самсон Ҷанба ихьӡ зхыу адраматә театр, Аурыс драматә атеатр, Аҿар ртеатр, рыҧсҭазаара агәылалара, атеатр апроблемақәеи аихьӡарақәеи актиор хадацәа рҟынтә аилкаара.

Ажәабжьқәа зегьы
0