Раԥхьа аныҳәа иаԥылеит Петропавловск-Камчаткси Владивостоки, араҟа апарад иалахәын Аокеанҭынч афлот иатәу аӷбақәеи аруааи. Традициала ишаԥу еиԥш, амшынтә парад хацыркын Санкт-Петербург, араҟа дрыдныҳәалеит Урыстәыла ахада Владимир Путин. 40 ӷба инреиҳаны Финтәи аӡыбжьахалала имҩасит, урҭ рхыԥхьаӡараҿы иҟан еиҭашьақәыргылаз аӷба "Полтава", анаҩсан имҩаԥган апарад аҳаиртә хәҭа. Ажәҩан иахыԥрааз 40 жәыларатә ҳаирпланқәа Су-25 ажәҩан Урыстәыла абираҟ аԥшшәхәқәа рыла ирҩычеит. Урыстәыла Арра-мшынтә парад мҩаԥган Севастополь, Балтика, Североморск, иара убас, раԥхьаӡа акәны даӷьсҭантәи ақалақь Каспииск. Рзанааҭтә ныҳәамш азгәарҭеит Шьамтәыла иҟоу урыстәылатәи аруаагьы, дара апарад еиҿыркааит абаӷәаза Тартус аҟны. Урыстәыла Арра-мшынтә флот амшныҳәа шазгәарҭаз шәахәаԥш ҳвидеонҵамҭаҿы.
Камчатка инаркны Балтиканӡа: Урыстәыла Арра-мшынтә флот амш шазгәарҭаз
© Видео Sputnik
Анапаҵаҩра
Урыстәыла иазгәарҭеит Урыстәыла Арра-мшынтә флот амш. Аныҳәатә парадқәа мҩаԥган атәылаҟны: Камчатка инаркны Балтикатәи амшын аҟынӡа, ԥхынгәымза 26 рзы.
