01:51 30 Жьҭаара 2020
Ишиашоу ицо аефир
  • USD78.87
  • EUR92.60
Авидеонҵамҭақәа

Адгьыл ҭыжааны: Аҟәа акоммуникациақәа шырыԥсахуа

Икьаҿу ахьарԥш аиура
18 0 0
© Видео Акоп Кущян, Адгур Авидзба

Џьонуа имҩаҿы акоммуникациақәа рыԥсахра мҩаԥысуеит Аԥсны Аҳәынҭқарра асоциал-економикатә ҿиара ацхрааразы 2020-2022 шықәсазтәи Аинвестициатә программа инақәыршәаны. Арҭ аусурақәа хдыркәшарц ргәы иҭоуп 2020 шықәсазы.

Аҟәа ақалақь аҿы Џьонуа имҩаҿы мчыбжьык еиҳауп акоммуникациатә ҳақәа рыԥсахразы аусурақәа ирҿуижьҭеи. Инамҩатәны ицәырҵуа ауадаҩрақәа ирыхҟьаны аусурақәа еиҳа ирыдхалоит. Иҟарҵаз ажра ф-метрак иҵаулоуп, хә-метрак иҭбаауп. Афирма "Асториа-Аквасервис" анџьныр хада иажәақәа рыла, ҭыԥк аҿы изныкымкәа иаҳрыцқьоит, избанзар адгьыл ӡлачит, уи азы анышә ҿыппны ҳажра иҭаҳауеит, уи аусуҩцәа рус аруадаҩуеит.

Зҿыгҳара 400 мм иҟоу, зоура 1250 метра иҟоу аӡцрыҵеизгарҭа иаваршәны аӡымҩангагагьы рышьҭуеит.

44 метра иҟоу аӡымҩангага аԥсахразы азыҟаҵаратә усмҩаԥгатәқәа хдыркәшоит хымш рышьҭахь.

Ақалақь ахада есҽны аусурақәа шцо дааины игәеиҭоит.

 

Иҵегь авидео

Ихадоу атемақәа