АҞӘА, жьҭаара 8 – Sputnik. 2018 шықәсазы аекономика аганахь ала Нобель иаԥхьахә роуит: Вилиам Нордхауси Поль Ромери ҳәа аанацҳауеит швециатәи аҭҵаарадыррақәа Ракадемиа аҳәоит РИА Новости адыррақәа.
Нордхаус далкаауп аҳауа аԥсахра аинтеграциа амакраекономикатә анализ азы, Ромер – атехнологиатә инновациақәа рмакроекономикатә анализ азы.
Традициак аҳасабала ишышьақәгылоу еиԥш, Нобель иаԥхьахә алауреатцәа аԥхьахә рыҭара ацеремониа мҩаԥысуеит ԥхынҷкәын 10 рзы, иара ашьаҭаркыҩ, швециатәи анаплакҩы Альфред Нобель (1833-1896) иԥсраҽны.
Нобель ишьаҭаиркыз аԥхьахәқәа хәба рҟынтәи ԥшьба Стокгольм ирырҭоит. Аҭынчраз аԥхьахә заҭәашьоу Осло ирырҭоит.
2018 шықәсазы аԥхьахәқәа идыртәоит хаз-хазы 9-9 миллион швециатә крон (940 000 доллар).
