06:49 18 Жәабран 2019
Ишиашоу ицо аефир
  • USD66.70
  • EUR75.25
Спикер парламента Венесуэлы, провозгласивший себя президентом, Хуан Гуаидо

Гуаидо Мадуро заанаҵтәи апарламенттә алхрақәа мҩаԥгатәуп ҳәа ииҳәаз хшыҩдараны дахәаԥшуеит

© РИА Новости / Марко Бельо
Адунеиаҿы
Икьаҿу ахьарԥш аиура
9 0 0

Уаанӡа  Венесуела ахада Николас Мадуро аҳәамҭа ҟаиҵеит иазыԥхьагәаҭаз аҿҳәара ҟалаанӡа атәылаҿы апарламенттә алхрақәа рымҩаԥгара дшақәшаҳаҭу азы.

АҞӘА, жәабран 6 - Sputnik. Венесуелатәи аоппозициа аԥхьагыла Хуан Гуаидо Николас Мадуро заанаҵтәи апарламенттә лхрақәа мҩаԥгатәуп ҳәа ииҳәаз хшыҩдараны дахәаԥшуеит, политикатә ҽшьрангьы ибоит ҳәа аанацҳауеит РИА Новости, апортал Nacional адыррақәа ҵаҵӷәны иҟаҵаны.

"Ари политикатә гәызианроуп. Издырырцгьы сҭахым Мирафлорес итәоу рзы уи асоциалтә лҵшәақәа ҳәа иҟанаҵаша", - иҳәеит Гуаидо.

Уи адагьы Хуан Гуаидо, атәыла аамҭалатәи ахадас зхы рылазҳәаз, ақалақьқәа рхадацәа дырҭааит, аҳәаанырцәтәи агуманитартә цхыраара аихшара алацәажәаразы.

"Ақалақьқәа рхадацәеи сареи ҳаиԥылеит, зҭагылазаашьа уадаҩу ауааԥсыра агуманитартә цхыраара рыҭаразы. Ҳара иҳалшо зегь ҟаҳҵоит уи азы", - ҳәа иҩуеит Гуаидо Twitter аҿтә имикроблог аҟны.

Уаанӡа  Гуаидо аҳәамҭа ҟаиҵахьан атәылаз агуманитартә цхыраара шеизырго Колумбиа, Бразилиа, Карибтәи амшын адгьылбжьахақәа рҿы.

Ажьырныҳәа 21 рзы Венесуела иахьатәи ахада Николас Мадуро иҿагыланы Каракас ақәгыларақәа ирылагеит. Апарламент аспикер Хуан Гуаидо ажьырныҳәа 23 рзы атәыла ахадас ихы рылеиҳәеит.

Иахьатәи аамҭазы Гуаидо истатус адгылара арҭеит: ЕАА, Канада, Аргентина, Бразилиа, Чили, Колумбиа, Коста-Рика, Гватемала, Гондурас, Панама, Парагваи, Перу, Қырҭтәыла. Урыстәыла акәзар Мадуро Венесуела закәаншьаҭала иалху хаданы даԥхьаӡоит.

 

 

Ихадоу атемақәа

  • Дырмит Габалыиа

    Аԥсуа сахьаркыратә литература иазааԥсахьоу ашәҟәыҩҩцәа акымкәа-ҩбамкәа ԥсра зқәым аҩымҭақәа нрыжьхьеит. Аха изеиԥшроузеи ашәҟәҩыра иаҵагыло абиԥара ҿыц? Иарбан литературоу урҭ иахьа иаԥырҵо, насгьы ахьысҳара абарныԥшуеи? Абарҭ азҵаарақәа дырзааҭгылеит апоет, ауаажәларратә усзуҩы Дырмит Габалыиа. Аиҿцәажәара мҩаԥигеит Аинар Ҷыҭанаа.

    25
  • Қьамиль Аҭрышба Кавказ Акультуратә дернеқь аҟны

    Ҭырқәтәыла, Ҳендеқь ақалақь аҟны еиҿкаау Кавказ акультуратә Дернеқь есыҽнытәи аусура дазааҭгыло, бжьышықәса раахыс уи еиҳабыс иахагылоу Қьамиль Аҭрышба иаҳзеиҭеиҳәеит хықәкы хадас ишрымоу ахатәы бызшәеи, аҵасқәеи, ақьабзқәеи реиқәырхара.

    456
  • Ал

    Аԥсуа баҳчаҿы зхатә ҭыԥ ылызххьоу алҵла аҭоурых дагәылаԥшны иаҳзеиҭалҳәеит Sputnik аколумнист Сусанна Ҭаниаԥҳа.

    110