10:54 18 Нанҳәа 2019
Ишиашоу ицо аефир
  • USD66.00
  • EUR73.22

"Грэмми" ашықәсазы иреиӷьу ашәа алнакааит

© Foto/ news.yahoo
Адунеиаҿы
Икьаҿу ахьарԥш аиура
54 0 0

Аԥхьахә "Грэмми" рыҭара 61-тәи ацеремониа мҩаԥысит Лос-Анджелес амҽышаҽны. Иара мҩаԥнагон ателеканал CBS.

АҞӘА, жәабран 11 – Sputnik. Акомпозициа This is America (анагӡаҩ Childish Gambino) "Грэмми" анашьахеит акатегориа "Ашықәсазы иреиӷьу ашәа" ҳәа. Абри атәы аанацҳауеит ателеканал CBS.

Абри акатегориаҿы иқәгылан акомпозициақәа: All the Stаrs, Boo'd Up, God's Plan, In My Blood, The Joke, The Middle и Shallow. Ашәа "This is America" абри акомпозициала иреиӷьхаз раԥхьатәи  хип-хоп-композициоуп.

"This is America" акәзар акатегориақәа "Иреиӷьу амузыкатә видеои" "Иреиӷьу реп/снаг-анагӡареи" рзы аԥхьахә аиуит.

Ашәа "This is America" назыгӡо актиор, ашәаҳәаҩ Дональд Гловер, апсевдоним Childish Gambino, ныҟәызго, ацеремониа аҽалархәра мап ацәикит.

"Грэмми" акатегориа "Иреиӷьу асоло" аҿы аԥхьахә лоуит Леди Гага ашәа Joanne (Where Do You Think You're Goin'?) азы, актер Бредли Купери лареи рашәеицҳәараз "Иреиӷьу апоп-дует" акатегориала ашәа "Shallow" аԥхьахә рзаанагеит.

Ихадоу атемақәа

  • Акәашара абызшәа, иара иаҵоу ажәа жәлар рҭоурых аазырԥшуа амыругақәа иреиуоуп. Аха рхы ишԥадырхәо ҳаамҭазы ари амыруга, инанагӡома иара ихадароу ароль - амилаҭтә культуреи абызшәеи ауаа рылааӡараҿы, мамзаргьы аҽырбара акәу еиҳахаз? Абарҭ азҵаарақәа рзы лгәаанагара аалырԥшуеит Sputnik аколумнист Есма Ҭодуа.

    7
  • Аԥсуаа наџьнатә аахыс ирыман ажәаҳәара атрадициа дуқәа. Уи лымкаала рҵеицәа ирыларааӡон. Аԥсуаҭҵааратә институт аетнологиа аҟәша аҭҵаарадырратә усзуҩ Марина Барцыцԥҳа иҳадылгалоит ари аҟазара ҳажәлар рҿы знеишьас, чыдарақәас иамаз, иахьатәи аамҭазы тенденциас изну.

    33
  • Нестор Лакоба сасра дыззаауаз анхаҩ нага, зеиԥшыҟамыз ашәарыцаҩ, Бзыԥҭа аҳаблан ҳаҭыр ду зқәыз, зажәа ҟәышыз, ажәлар ззыӡырҩуаз, аха 37-тәи ашықәс еиқәаҵәақәа раан харада ахара зыдҵаны идырӡыз Маҳҭы Ислам-иԥа Бениа (Кьахьыриԥа) иҭоурых дазааҭгылеит иашьа иԥа имоҭа Беслан Бениа.

    177