09:37 24 Хәажәкыра 2019
Ишиашоу ицо аефир
  • USD63.77
  • EUR72.59
Каракас

Мадуро: ЕАА аибашьра Латынтәи Америкахь аиагара рҭахуп

© AFP 2019 / RONALDO SCHEMIDT
Адунеиаҿы
Икьаҿу ахьарԥш аиура
Венесуела имҩаԥысуа аиҿагыларақәа (27)
13 0 0

Уаанӡа, ЕАА ахада Дональд Трамп ателеканал CBS аинтервиу аҭо иҳәеит Венесуелаҟа ар рышьҭра варианткны дшахәаԥшуа.

АҞӘА, жәабран 26 - Sputnik. Венесуела ахада Николас Мадуро аҳәамҭа ҟаиҵеит ЕАА Латынтәи Америка аибашьра хнартыр аҭахуп ҳәа. Абри атәы аанацҳауеит РИА Новости ателеканал ABC News адыррақәа ҵаҵӷәыс иганы.

"Еиду аштатқәа акризис аԥҵара рыгәҭакуп, нас уи мзызс иҟаҵаны Венесуела ампыҵахаларазы. Дара Латынтәи Америка аибашьрамца дырцыхцыхуеит", - ҳәа иҳәеит Мадуро.

Венесуела ахада игәаанагарала ЕАА иагәҭаку венесуелатәи анефҭ ампыҵахалароуп. Уи азы аибашьрагьы мап ацәнакуам.

Ажьырныҳәа 21 рзы Венесуела иахьатәи ахада Николас Мадуро иҿагыланы Каракас ақәгыларақәа ирылагеит. Апарламент аспикер Хуан Гуаидо ажьырныҳәа 23 рзы атәыла ахадас ихы рылеиҳәеит.

Гуаидо истатус адгылара арҭеит: ЕАА, Канада, Аргентина, Бразилиа, Чили, Колумбиа, Коста-Рика, Гватемала, Гондурас, Панама, Парагваи, Перу, Қырҭтәыла.

Урыстәыла Мадуро адгылара инаҭоит аконституциатә шьаҭа зманы иҟоу атәыла ахадак иҳасаб ала.

Европатәи атәылақәа зеижә: Испаниа, Португалиа, Германиа, Великобританиа, Даниа, Нидерланды, Франциа, Венгриа, Австриа, Финлиандиа, Бельгиа, Лиуксембург, Чехиа, Латвиа, Литва, Естониа, Польша, Швециа, Хорватиа, Македониа, Румыниа жәабран 4 рзы рнапы еицаҵарҩит адеклорациа, иазгәарҭеит Хуан Гуаидо аамҭалатәи Венесуела ахада ҳәа дшазхарҵо азы.

 

Атемақәа:
Венесуела имҩаԥысуа аиҿагыларақәа (27)

Ихадоу атемақәа

  • Тото Аџьапуа

    Аԥсны Жәлар рартист, "Ахьӡ-Аԥша" аорден III аҩаӡареи Леон иордени занашьоу, Д.И. Гәлиа ихьӡ зху Аҳәынҭқарратә премиа алауреат, СССР Акомпозиторцәа реидгыла алахәыла Тото Аџьапуа 80 шықәса ихыҵит. Аҟазараҿы раԥхьатәи ишьаҿақәа игәаларшәо, иара дрыхцәажәеит аԥсуа ашәа агәыбылра изыркыз аҭагылазаашьеи ауааи, насгьы иҳәеит ҳаамҭазтәи аԥсуа ашәақәа рҵыхәала игәы иаанаго.

    53
  • Еркәыт Аӡынба

    Ҭырқәтәылантәи шықәсқәак раԥхьа зҭоурыхтә ԥсадгьыл ахь нхара ҳәа иааз Еркәыт Аӡынба игәҭахәыцрақәа.

    142
  • Анна Сангулия

    "Ашацәа изыршаз ала дымҩасит", "изыԥҵәоу аамҭа", "игәахәтәы дахьымӡеит" - абас рҳәоит аԥсуаа ауаҩы илахьынҵазы. Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа дазааҭгылоит аԥсуаа ртрадициатә дунеидкылашьаҿы ауахҭа ишазыҟоу.

    62