Рогозин: Урыстәыла акосмостә еиндаҭлара ахы аланархәуеит

CC0 / / МКС астанциа
МКС астанциа - Sputnik Аҧсны
Анапаҵаҩра
Уаанӡа Рогозин аҳәамҭа ҟаиҵахьан Амза аҭҵаареи ахархәареи рконцепциа Урыстәыла Ашәарҭадаратә хеилак иазынашьҭхоит, шықәсыбжак аҩнуҵҟалагь иҭҵаахоит ҳәа.

АҞӘА, хәажәкыра 22 - Sputnik. "Роскосмос" адиректор хада Дмитри Рогозин аҳәамҭа ҟаиҵеит адунеи аҟны акосмос азы аиндаҭлара хацыркуп ҳәа. Абри атәы аанацҳауеит РИА Новости.

Испытания робота проекта Спасатель - Sputnik Аҧсны
Урыстәылатәи аробот акосмос ахь аԥырра иазыхиоуп

"Уажәы егьырҭ аҳәынҭқаррақәеи ҳареи ҳабжьара адунеи аҿы акосмос азы иреиҳау аицлабра амҩа ҳануп", - ҳәа реиҳәеит афракциа "Единая Россия" адепутатцәа РКК "Энергия" аҿы ирԥылоз "Роскосмос" адиректор хада Дмитри Рогозин.

Рогозин адепутатцәа неиԥхьеит акосмодром Баиконур аҟынтәи аԥырра амҩаԥысра рхы аладырхәразы. Аиԥылара иалахәыз афракциа "Единая Россия" аиҳабы, Аҳәынҭқарратә Дума аиҳабы ихаҭыԥуаҩ Сергеи Неверов иазгәеиҭеит адепутатцәа ари анаԥхьара хымԥада ишрыдыркыло.

Ракета-носитель Falcon Heavy компании SpaceX успешно стартовала с мыса Канаверал - Sputnik Аҧсны
Трамп адҵа ҟаиҵеит акосмостә мчрақәа раԥҵаразы

Уажәазы жәларбжьаратәи апартниорцәа амзазааигәаратәи астанциақәа рҭаара апроект иалацәажәоит.

Уи апроект Gateway ахьӡырҵеит. "Роскосмос" уаанӡатәи ахада Игор Комарови НАСА аиҳабыреи рнапы аҵарыҩхьан амзазааигәаратәи астанциақәа аусеицрыдуларазы аиқәшаҳаҭра.

Уажәы Урыстәыла аус аднаулоит ахатәы мзатә программа. Абри атемала инарҭбаау аилацәажәара мҩаԥнагеит "Роскосмос" аҭҵаарадырра-техникатә Хеилак, 2018 шықәса абҵара 28 рзы.

 

Ажәабжьқәа зегьы
0