АҞӘА, мшаԥы 3 – Sputnik. Украина апроект "Стена" аҳәаақәа ирҭагӡаны Урыстәылеи иареи рҳәааҿ аҳәаахьчаратә комплексқәа рыргылара еиҭалагеит ҳәа аанацҳауеит РИА Новости.
2015 шықәса рзы Киев ишьақәнарӷәӷәеит Урыстәыла аҳәааҿы аҽыхьчаратә ргыларақәа рымҩаԥгаразы апроект "Стена" аплан.
Апроект ԥшьышықәса азоурыжьит. Абиуџьет иазоунашьҭран иҟан 4,1 миллиард гривен (150 миллион доллар). Аха, 2015 – 2016 шықәсқәа рзы аԥаразоужьра дыркьаҿит.
Украинатәи азинхьчаратә усбарҭақәа аусҭҵаара мҩаԥыргоит апроект анагӡараз иазоужьыз аԥарақәа реимҵәара амҩаԥысра инадҳәаланы.
