02:44 18 Нанҳәа 2019
Ишиашоу ицо аефир
  • USD66.00
  • EUR73.22
С-400 Ҭырқәтәылаҟа анашьҭра

С-400 Ҭырқәтәылаҟа аҩынтә раан анашьҭра хацыркуп

© Sputnik / Сергей Пивоваров
Адунеиаҿы
Икьаҿу ахьарԥш аиура
3 0 0

Уаанӡатәи аилаӡарақәа инарықәыршәаны, Урыстәыла азенит-ракетатә системақәа С-400 Ҭырқәтәылаҟа анашьҭра иалагахьеит. Ҭырқәтәыла ахада Таип Ердоган аҳәамҭа ҟаиҵеит С-400 2020 шықәса мшаԥымза инаркны ахархәара иалагоит ҳәа, иазгәеиҭеит ЕАА ақәмақаррақәа ирхырҟьаны атәыла ашәарҭадара аиқәыршәара мап ацәаҳкуам ҳәа.

АҞӘА, ԥхынгәы 31 - Sputnik. Анкара азыԥшуп аҩынтә раан азенит-ракетатә системақәа С-400 Ҭырқәтәылаҟа рынашьҭра. 2020 шықәса мшаԥымза инаркны ахархәара иалагоит ҳәа, аҳәамҭа ҟаиҵеит Ҭырқәтәыла атәылахьчара аминистрра амаӡаныҟәгарҭа ахада Исмаил Демир. Абри атәы аанацҳауеит РИА Новости, агазеҭ Cumhuriyet адыррақәа шьаҭас иҟаҵаны.

"ЗРК С-400 Ҭырқәтәылаҟа инашьҭуп. Дара наргеит апровинциа Анкара аҳаиртә баӷәаза Миуртед ахь. Уажәы ҳазыԥшуп азенит-ракетатә системақәа С-400 Ҭырқәтәылаҟа рынашьҭра аҩбатәи аамҭахәҭа. 2020 шықәса мшаԥымза инаркны ахархәара иалагоит", - ҳәа иҳәоит Дамир.

Ҭырқәтәыла С-400 Америка имҩаԥнагоз ақәмақаррақәа ирызхьамԥшкәа иаанахәеит.

Убри аан Вашингтон С-400 НАТО астандартқәа ирықәшәом ҳәа иқәгылоуп, Ҭырқәтәылагь асанкциақәа азыҟаҳҵоит ҳәа рҳәахьеит. Пентагон акәзар, америкатәи аҳаирпланқәа F-35 аҿы ҭырқәтәылатәи аԥрыҩцәа рҽазыҟаҵара ааннакылеит, аҵара зҵозгьы ԥхынгәы 31 рҟынӡа атәыла аанрыжьырц рыдырҵеит.

Ҭырқәтәыла ахада Реџьеп Таиип Ердоган ЕАА Ҭырқәтәыла F-35 ахьаанамырхәо ҵаӷьычроуп ҳәа ахиҳәааит.

С-400 "Триумф" - урыстәылатәи зениттә ракетатә системоуп. Иара ахархәарахь ирыдыркылеит 2007 шықәса рзы.

Ихадоу атемақәа

  • Аԥсуаа наџьнатә аахыс ирыман ажәаҳәара атрадициа дуқәа. Уи лымкаала рҵеицәа ирыларааӡон. Аԥсуаҭҵааратә институт аетнологиа аҟәша аҭҵаарадырратә усзуҩ Марина Барцыцԥҳа иҳадылгалоит ари аҟазара ҳажәлар рҿы знеишьас, чыдарақәас иамаз, иахьатәи аамҭазы тенденциас изну.

    24
  • Нестор Лакоба сасра дыззаауаз анхаҩ нага, зеиԥшыҟамыз ашәарыцаҩ, Бзыԥҭа аҳаблан ҳаҭыр ду зқәыз, зажәа ҟәышыз, ажәлар ззыӡырҩуаз, аха 37-тәи ашықәс еиқәаҵәақәа раан харада ахара зыдҵаны идырӡыз Маҳҭы Ислам-иԥа Бениа (Кьахьыриԥа) иҭоурых дазааҭгылеит иашьа иԥа имоҭа Беслан Бениа.

    151
  • Иҟоума даҽа ҳәынҭқаррак рхада ртәыла агәы злеисуа абызшәа изымдыруа? Далырхуама уи иҩыза, хшыҩла дкәадамзаргьы? Ауаажәларра рыбжьара агәынамӡара зызцәырнагаз акандидатцәа злахәыз аефиртә аамҭа аԥҟарақәа еиҭакрақәас ԥхьаҟа ирылагалатәузеи? Абарҭ азҵаарақәа дрылацәажәоит Sputnik аколумнист Елеонора Коӷониаԥҳа.

    50