АҞӘА, нанҳәа 20 — Sputnik. Пиатигорск имҩаԥысуа афорум "Машук" алахәцәа ахылаԥарч зханы алезгин кәашара назыгӡоз аробот Хажби "Роскосмос" адиректор хада Дмитри Рогозин идырбеит.
"Аробот иахьӡуп Хажби, уи ажәытә ауаԥс хьӡуп, аробот ашьхарыуаа рыкәашашьа адыруеит, уи апрограмма арҵаҩцәа иҭаргалеит", - абри атәы РИА Новости иазеиҭалҳәеит акоманда Fab Lab Alania ахаҭарнак Диана Кадзаева.
Аробот-акәашаҩ иаанартуеит Аҩада Уаԥстәыла имҩаԥысуа ароботтә техникеи аелектроникеи рзы аицлабра "Леонардо".
Пиатигорск имҩаԥысуа афорум "Машук" иалахәуп Нхыҵ Кавказ ареспубликақәа, егьырҭ Урыстәыла асубиектқәа, ааигәатәи аҳәаанхыҵ атәылақәа рҟынтәи аҿар.
2019 шықәсазы афорум атема - "Насыԥ змоу, зхы аарԥшра зылшаз ауаҩы иара изыманшәалоу, ҳаамҭа иақәшәо аҵакырадгьыл аҿы".
