13:22 21 Жьҭаара 2019
Ишиашоу ицо аефир
  • USD63.76
  • EUR71.17

Путин Аԥсныи Аахыҵ Уаԥстәылеи игылоу ар рзы: аӡбамҭа ҳадаҳкылар, иалаагоит

© Sputnik / Григорий Сысоев
Адунеиаҿы
Икьаҿу ахьарԥш аиура
6 0 0

Аахыҵ Уаԥстәыла аҵакыраҿы игылоуп еидкылоу 4-тәи урыстәылатәи арратә база, Аԥсны аҵакыраҿы – 7-тәи арратә база.

АҞӘА, жьҭаара 2 – Sputnik. Урыстәыла еснагь ахахьы иаго ахыдҵақәа нанагӡоит, иахәҭоу аӡбамҭа рыдыркылар, Аԥсны Аҳәынҭқарреи Аахыҵ Уаԥстәыла Ареспубликеи рҵакыраҿы игылоу ар алгахоит ҳәа иҳәеит Урыстәыла ахада Владимир Путин ақырҭуа телеканал акорреспондент лызҵаара аҭакс, Ереван имҩаԥысуа Иреиҳаӡоу Евразиатәи аекономикатә форум аламҭалазы.

"Ҳара ҳхыдҵақәа еснагь инаҳагӡоит", - иҳәеит Путин, "2008 шықәса рзы ижәгаз ахыдҵақәа анбанашәыгӡо?" - ҳәа ирҭаз азҵаара аҭакс.

Иара убасгьы иҭан азҵаара "Аԥсны Аҳәынҭқарреи Аахыҵ Уаԥстәыла Ареспубликеи рҵакыраҿы игылоу ар анбалыжәго?" ҳәа. Уи аҭакс иара иҳәеит: "Уи азы аӡбамҭа анҳадаҳкылалак", - ҳәа.

Урыстәылеи Қырҭтәылеи реизыҟазаашьақәа аанкылахеит 2008 шықәса нанҳәа 26 рзы Урыстәыла Аԥсны Аҳәынҭқарреи Аахыҵ Уаԥстәыла Ареспубликеи рхьыԥшымреи рсувенитети аназханаҵа ашьҭахь.

Аахыҵ Уаԥстәыла аҵакыраҿы игылоуп еидкылоу 4-тәи урыстәылатәи арратә база, Аԥсны аҵакыраҿы – 7-тәи арратә база.

Иара убас шәаԥхьар ҟалоит:

Ихадоу атемақәа