Краснодарынтәи Шәачаҟа адәыӷбақәа рныҟәара аамҭала иаанкылоуп

© Sputnik / Алексей Даничев / Амедиаҵәахырҭахь аиасраКраснодарынтәи Шәачаҟа адәыӷбақәа рныҟәара аамҭала иаанкылоуп
Краснодарынтәи Шәачаҟа адәыӷбақәа рныҟәара аамҭала иаанкылоуп - Sputnik Аҧсны
Анапаҵаҩра
Лысогорсктәи атоннель аҟны аремонттә усурақәа ахьымҩаԥысуа иахырҟьаны Краснодари Шәачеи рыбжьара аихамҩатә еимадара аамҭала иаанкылоуп.

АҞӘА, ажьырныҳәа 16 - Sputnik. Лысогорсктәи атоннель аҟны аремонттә усурақәа ахьымҩаԥысуа иахырҟьаны Краснодари Шәачеи рыбжьара (Чинары – Чилипси) аихамҩатә еимадара аамҭала иаанкылоуп ҳәа аанацҳауеит АНО "Иаку атранспорттә дирекциа" апресс-маҵзура. Аҭагылазаашьа мшаԥы 27 рҟынӡа ус иаанхоит.

Краснодарнтәи Тҟәаԥсынӡа апассаџьырцәа автобусла инеир рылшоит, уахьынтәи адәыӷба "Ласточка" ала ицар ҟалоит. Автобусқәеи "Ласточкеи" рныҟәара шьақәыргылоуп апассаџьырцәа рырманшәаларазы.

Автобус ахәԥса 450 мааҭ иҟоуп, 12 шықәса рҟынӡа зхыҵуа ахәыҷқәа рзы иаԥҵоуп альготатә тарифқәа — 225 мааҭ, хәышықәса рҟынӡа зхыҵуа ахәыҷқәа рзы аныҟәара хәыда-ԥсадоуп. Иаку абилеҭ адәыӷбаангыларҭақәа рҿы ма РЖД асаит аҟны раахәара алшоит.

1978 шықәсазы иргылаз Лысогорсктәи атоннель аремонт иалагеит ажьырныҳәа 14 рзы. Аусурақәа мҩаԥысуеит мшаԥы 27 рҟынӡа.

Иара убас шәаԥхьар ҟалоит:

Ажәабжьқәа зегьы
0