АҞӘА, ажьырныҳәа 30 - Sputnik. Урыстәыла Аҳәынҭқарратә дума аиҳабы ихаҭыԥуаҩ Пиотр Толстои, Европа ахеилак Апарламенттә ассамблеиа (ПАСЕ) аилацәажәараҿы дықәгыло, иколлегацәа аҽԥныҳәа риҭеит еиуеиԥшым жәларбжьаратәи азҵаарақәа рганахьала ирҩбоу астандартқәа ахьаадырԥшуа азы ҳәа аанацҳауеит РИА Новости.
"Хәышықәса ҵуеит Урыстәыла иазкны мцымзар акгьы ҳмаҳауеижьҭеи. Иахьа иқәгылаз рҟынтәҵәҟьагьы уи амц аҭыԥ амоуп. Иҟоу узымдыруа аҳәынҵәақәҭәара ҟалом. Ахара зхараҵатәыда абас аныҟалало?" - иҳәеит Толстои.
Иара еизаз аҽԥныҳәа риҭеит Аԥсни, Аахыҵ Уаԥстәылеи, Донбасси иҟоу шырдыруагьы, Украинеи Қырҭтәылеи ирҳәо иахьазыӡырҩуа, ииашоуп ҳәа рхы ахьдырҵысуа. Убри аан дара ибзиаӡаны ирдыруеит Украинеи Қырҭтәылеи ртәылауаа бжьаршьҭыхла ишырҿагылаз.
"Ари ауаҩытәыҩса изинқәа реилагара шакәугьы, ҽмырҳа азыруит", - иҳәеит иара.
Уи адагьы, Урыстәыла Аҳәынҭқарратә дума аиҳабы ихаҭыԥуаҩ ПАСЕ апарламентарицәа ргәырҽаниҵоит ассамблеиаҿ еиҭах акризис ҟалар шалшо, уи аҟынтә Урыстәыла алҵыр.
ПАСЕ апленартә еилатәараҿы иалацәажәан урыстәылатәи аделегациа рзинмчқәа рыцҵара иаԥсоу иаԥсаму ҳәа. Иҟан уи мап ацәызкуаз – Урыстәыла ауаҩытәыҩса изинқәа еилагоуп ҳәа иазыԥхьаӡаны.
Абжьыҭираан урыстәылатәи аделегациа азинмчқәа рыцҵаразы рыбжьы рҭиит 96 депутат, 44-ҩык уи иаҿагылеит, быжьҩык абжьыҭира рҽацәхьаркит.
Иара убас шәаԥхьар ҟалоит:
-
Урыстәылатәи ажурналистцәа ПАСЕ Sputnik Естониа иарҭо ақәыӷәӷәара атәы еиҭарҳәеит
