АҞӘА, жәабран 4– Sputnik. Аахыҵ Кавказ аҳҭнықалақь аҟны агәабзиарахьчара азҵаарақәа рзы урыстәылатәи абжьгаҩ Игор Гали иԥшәмаԥҳәыси ԥсны ирбеит ҳәа аанацҳауеит Sputnik Южная Осетия.
Аахыҵ Уаԥстәыла Апрокуратура хада заанаҵтәи адыррақәа рыла хаҵеи ԥҳәыси рыԥсҭазаара ралҵра мчылатәымызт. Иҟалаз амзыз шьақәнаргылоит амедицинатә експертиза.
"Заанаҵтәи агәаҭарақәа иаҳдырбеит мчыла рыԥсҭазаара ишалхымыз", - иҳәеит ареспублика апрокурор хада Урузмаг Џьагаев.
Игор Гали иԥшәмаԥҳәыси рҭахара зыхҟьаз аилкааразы амедицинатә експертиза ҟаҵатәуп. Уи азы дара рыԥсыбаҩқәа Владикавказҟа инагоуп иҳәеит Џьагаев.
Еицырдыруа амедицинатә усзуҩ, апрофессор Игор Галь Аахыҵ Уаԥстәыла аус иуан 2016 шықәса раахыс ареспубликатә гәабзиарахьчара ареформа азуразы.
