АҞӘА, жәабран 4 - Sputnik. Аԥсны иҟоу Урыстәылатәи арратә округ аремонттә ҟәша аруаа амотохысцәа рҽазыҟаҵарақәа раан раԥхьаӡа акәны рхы иадырхәеит аремонт-қәгаратә машьынақәа. Абри атәы аанацҳауеит арратә округ апресс-маҵзура.
Аибашьратә ҭагылазаашьа иазырааигәаны аррамаҵзурауаа ааха змаз амашьынақәа аибашьра дәы иқәыргеит "Урал" иақәыргылаз аремонт-қәгаратә машьынақәа РЕМ-КЛ рыла.
Аҽазыҟаҵарақәа ишазыԥхьагәарҭоз ала артиллериала аибашьыга машьынақәа аԥхасҭа рыҭан. Абри ашьҭахь урҭ "аӷа" дшыриехсуазгьы атехника адәы иқәыргон.
Иааидкыланы аполигон Ҵабал аҟны имҩаԥысуаз аҽазыҟаҵарақәа ирылахәын 500-ҩык аруаа, 60 ак арратә техника ҷыда.
Иара убас шәаԥхьар ҟалоит:
