15:24 28 Хәажәкыра 2020
Ишиашоу ицо аефир
  • USD77.73
  • EUR85.74
Адунеиаҿы
Икьаҿу ахьарԥш аиура
Авирустә инфекциа – акоронавирус аҽацәыхьчара (119)
7 0 0

Хәажәкыра 14 рзы Урыстәыла аиҳабыра рҿы иаԥҵан акоронавирус аҿагыларазы акоординациатә хеилак. Ахеилак напхгара аиҭоит аԥыза-министр Михаил Мишустин.

АҞӘА, хәажәкыра 17 - Sputnik. Урыстәыла аиҳабыра акоронавирус иазку асаит стопкоронавирус.рф аусура иаладыргеит.

Асаит аҿы ицәыргоуп акоронавирус иазку аҵыхәтәантәи ажәабжьқәа, ачымазара азԥхьагәаҭара, уи аҽаарԥшышьаз аинформациа, COVID–19 ахьыҟоу атәылахь имцар амуа рзы адыррақәа.

Иазгәаҭоуп ачымазара ахы цәырнагоит 14 рышьҭахь ҳәа. Убри аан иара акыр иеиԥшуп ахьҭалаларатә чымазаарақәа рхаарԥшышьа.

Урыстәыла аиҳабыра атәылахь аҳәаанырцә тәылауааи атәылауаҩра змам ахаҿқәеи ралалара ԥнакуеит акоронавирус иахырҟьаны, аԥкыра хацыркуп хәажәкыра 18 рзы, иаԥыххоит лаҵара 1 азы.

Хәажәкыра 16 рызтәи аҭагылазаашьала Урыстәыла авирус рымоуп 93-ҩык. Москва – 53-ҩык. Аԥыза-министр ихаҭыԥуаҩ Татиана Голикова ишылҳәаз ала, 86 хҭыс атәылахь иаагоуп. Хәҩык ргәабзиара шьақәгылахьеит, егьырҭ ахәышәтәырҭақәа ирҭоуп. 109 939-ҩык акоронавирус рылоу ирыламу азы иҭырҵаахьеит.

Иара убас шәаԥхьар ҟалоит:

Атемақәа:
Авирустә инфекциа – акоронавирус аҽацәыхьчара (119)

Ихадоу атемақәа