АҞӘА, рашәара 10 - Sputnik. Аналитикатә центр "Аекономикеи аҭынчреи ринститут" иакьыԥхьит аҭынчрабзиабара аглобалтә реитинг. Исландиа ҩаԥхьа актәи аҭыԥ аннакылеит.
Аҩбатәи аҭыԥ аннакылеит Зеландиа ҿыц, ахԥатәи — Португалиа. Актәи ажәаба иахыԥхьаӡалахеит: Австриа, Даниа, Канада, Сингапур, Чехиа, Иапониа, Швеицариа.
Акатегориақәа "Ашәарҭадареи ахьчареи", "Амилитаризациа", "Инымҵәац аимак" рыла Урыстәыла апозициақәа еиӷьнатәит, асиаҿ 154 апозициа аннакылоит.
Зынӡа ареитинг аҿы 163 тәыла арбоуп. Аҵыхәтәантәи ацәаҳәақәа рҿы игылоуп Ирак, Шьамтәыла, Афганистан.
Global Peace Index аус адырулоит жәларбжьаратәи асоциологцәеи аекономистцәеи. Асиа шьақәдыргылоит 2007 шықәса раахыс.
