АҞӘА, ԥхынгәы 2 - Sputnik. Урыстәыла Аконституциахь ариашарақәа рзы 77,92% урыстәылаа рыбжьы рҭиит ҳәа аанацҳауеит Урыстәыла Алхратә комиссиа хада.
АКХ аинформцентр 100% Урыстәыла Аконституциахь ариашарақәа рзы абжьыҭаратә ԥкаанҵақәа аус анрыднаула ашьҭахь ишьақәнарӷәӷәеит ариашарақәа рзы рыбжьы шырҭииз 77,92% урыстәылаа, ишаҿагылоу - 21,27%.
Аконституциа ариашарақәа ралагаларазы абжьыҭара мҩаԥысраны иҟан мшаԥы 22 рзы, аха атәылаҿ аепидемиологиатә ҭагылазаашьа иахырҟьаны Урыстәыла ахада Владимир Путин иусԥҟала арыцхә ԥхынгәы 1 ахь ииаган. Иара убасгьы иҟоу ашәарҭарақәа раԥырҟәҟәааразы абжьыҭара цон рашәара 25 инаркны ԥхынгәы 1 аҟынӡа.
Иара убас шәаԥхьар ҟалоит:
-
Урыстәыла АКХ аиҭакрақәа рзы абжьыҭара аԥкаанҵақәа 99,9% аус рыднаулеит
